Зүгээр сэтгэхгүй ... Яруу сэтгэнэ ...

МОНГОЛ БЭЛЭГ- Цагаан сар 2012 Үзэсгэлэн худалдаанд хамтран ажиллахыг урьж байна

2012-01-26T17:14:00.001+08:00

Монгол түмний их баяр Цагаан сарыг тохиолдуулан баярын бүхийл хэрэгцээний бүтээгдэхүүнийг үйлдвэрийн үнээр нэг дор байршуулан нийслэлчүүддээ хүргэж буй “Цагаан Сар 2012” үзэсгэлэн худалдаа доорх газруудад зохион байгуулж байна.

Үзэсгэлэн худалдаанд Үндэсний үйлдвэрлэгчид, жижиг дунд үйлдвэрлэл эрхлэгчид, гар урчууд, Эрхэм хэрэглэгч та бүхнийг урин залж байна.

2012.02.11- 2012.02.20 UB Palace, Холбоо барих: 99031800, 99087901
2012.01.30- 2012.02.20 Everyday худалдааны төвийн бүх салбараар, Холбоо барих: 99086970

Давуу тал

• Үйлдвэрийн үнэ
• Хэрэглэгчдэдээ ойр байршил
• Сар шинийн бүхий л хэрэгцээг нэг дороос
• Монгол бэлэгний өргөн сонголт
• Түгжрэлд хол явахгүй

TsagaanSar2012.pdf Download this file

Олон нийтийн сүлжээ цахим хуудсуудын маркетинг

2011-12-20T19:03:00.001+08:00

Вэб 2.0 технологи бий болсоноор хэрэглэгчид цахим хуудасны агуулгыг өөрсдөө бүтээх боломжтой болж олон нийтийн сүлжээ цахим хуудсуудын хөгжлийн эрин үе эхлэв. Ингээд олон нийтийн сүлжээ цахим хуудсуудад амьдрал буцалж сая сая хэрэглэгчидтэй боллоо. Энэ амьдрал дунд бизнесийн байгууллагууд хэрхэн оролцох нь мөн л шийдвэрлэх асуудлуудын нэг болов. Эхний үед компаниуд "Наана чинь орчихоор хүмүүс харааж, нулимаад байна" гээд олон нийтийн цахим хуудаснаас айж дөлөх хандлагатай байв. Гэтэл тэд байсан байгаагүй хүмүүс ярих юмаа хэнээр ч заалгахгүй ярьсаар л байв. Компаниуд олон нийтийн цахим хуудаснуудаас цугтаад юу ч олж хожихгүйгээ ухаарч эхлэв. Харин байснаараа хүмүүстэй харилцах, үнэн зөв мэдээллийг хүргэх, буруу зүйлдээ уучлал гуйх, зөв зүйлдээ талархал хүртэх боломж байгааг ухаарч эхлэв. Хэрвээ эх сурвалж үнэн мэдээллийг гаргаж тавихгүй бол буруу ташаа, цуурхал үргэлжилж газар авсаар л байгааг тэд харж байв.

ХҮН БАЙГАА ГАЗАР ХАРИЛЦАА БАЙНА, ХАРИЛЦАА БАЙГАА ГАЗАРТ МАРКЕТИНГ БАЙНА гэсэн алтан дүрмийн дагуу компаниуд өөр өөрийн тактигийг боловсруулж, мэргэжлийн байгууллагуудтай хамтран олон нийтийг сүлжээг идэвхитэй ашиглаж эхлэв. Олон нийтийн сүлжээ цахим хуудсуудыг ашиглан хэрэглэгчдийн нэгдлийг бүрдүүлж, тэдний санал хүсэлтийг сонсож чадсанаар бүтээгдэхүүн, үйлчилгээнийхээ чанарыг сайжруулж, хэрэглэгчдийн сэтгэл ханамжийг нэмэгдүүлэх давуу талыг бий болгов. Байгууллага үйл ажиллагаа, мэдээ, мэдээллээ ил тод, нээлттэй байлгаж чадсанаар хэрэглэгчийг татаж, хэрэглэгчийн итгэлийг олж авч жинхэнэ утгаар нь хэрэглэгчийг сонсож, хэрэглэгчтэй харилцаж эхэллээ.

Хэрвээ та энэ хэрэгцээ шаардлагыг ойлгосон бол одоо ажил хэрэг болгох л үлдлээ. Бидний хөгжүүлж буй болон хөгжүүлсэн олон нийтийн сүлжээ цахим хуудсуудаар зочилж санал бодлоо хуваалцаарай.
Монгол Улсын Ерөнхий Сайд С.Батболд
http://www.youtube.com/batboldpm
http://twitter.com/batboldpm
http://facebook.com/batbold.suhbaatar
TIME.mn портал хуудас
http://twitter.com/TIMEmn
http://facebook.com/TIMEmn
http://youtube.com/TIMEmnmgl
"Алтай кашмир" ХХК
http://facebook.com/AltaiCashmere
http://twitter.com/AltaiCashmere
http://youtube.com/AltaiCashmereLLC
"Everyday International" ХХК
http://facebook.com/EverydayCenter
http://twitter.com/EveryDayLLC
http://youtube.com/EveryDayLLC гэх мэт.

Social Media Club Ulaanbaatar Уулзалт 11.11 дээр ХУВЬ ХҮНИЙ БРЭНД сэдвээр илтгэл тавьлаа

2011-11-19T02:15:00.002+08:00

Бусад илтгэгчдийн лекцийг эндээс үзнэ үү. http://www.youtube.com/SMCUlaanbaatar

Ялангуяа УИХ-ын гишүүн Д.Энхбатын ЦАХИМ НИЙГМИЙН хөгжлийн хандлага, Монгол залуусын оролцоо, Монгол хүний үнэт зүйл, Монголын хөгжлийн тухай бодууштай яриаг сонсоорой гэж хүсэж байна.

Таны өөртөө нэвтрэх хаалга нээгдлээ /http://yaruusetgegch.com/

2011-11-09T23:27:00.002+08:00

www.yaruusetgegch.com буюу "ТАНЫ ӨӨРТӨӨ НЭВТРЭХ ХААЛГА" цахим хуудас

1. Тодорхойлолт: Өөрийгөө танин мэдэж, өөрийгөө илүү хөгжүүлж чадваржуулах зорилготой, хийж бүтээх хүсэл тэмүүллээр дүүрэн хэн бүхний өдөр бүрийн оюуны хоол, сэтгэлийнх нь гал болохуйц хүний хөгжлийн мэдээ, мэдлэгийн цогц цахим хуудас.

2. Цахим хуудасны зорилго

Хүний хөгжил, нийгмийн хөгжил, сэтгэлгээний хөгжил, амьдрах чадвар, ертөнцийн зүй тогтлын тухай бичдэг монгол хүнийг соён гэгээрүүлэх сэтгэгч, сэхээтнүүдийг нэгтгэх. Тухайн нийтлэлчдийн бүтээлийг олон нийтийн хүртээл болгоно.
Хүний хөгжлийн чиглэлээр ажилладаг байгууллагуудыг нэгтгэж, тэдгээрийн үйл ажиллагааг уялдуулан ажиллуулж нийгмийн хөгжилд далайцтай үр дүн гаргана.
Хүний хөгжлийн чиглэлээр ажилладаг хувь хүн байгууллагуудад менежментийн зөвлөгөө өгч маркетингийн дэмжлэг үзүүлж хамтран ажиллана.
Хүний хөгжлийн чиглэлээр ажилладаг хувь хүн, байгууллагад гишүүд дэмжигчидийг бүрдүүлж өгнө.

3. Яруу сэтгэлгээний үзэл санаа

Бид чин сэтгэлээрээ төвлөрч, бүтээмжээрээ үлгэрлэж, үнэт зүйлээрээ нэгдэж өөрчлөгдөн хөгжинө.

ЧИН СЭТГЭЛ: Чин сэтгэлээсээ хандаагүй агшин хором бүр бидний амьдралын алдагдал гэдэгт итгэдэг учир өөрийн хийж бүтээж буй зүйлд чин сэтгэлээсээ хандана.
ТӨВЛӨРӨЛ: Төвлөрөл нь хийж буй зүйлдээ төгсрөх хамгийн дөт зам гэдэгт итгэдэг учир өөрийн авъяас чадварыг нээн илрүүлж хамгийн сайн хийж чадах нэг зүйлдээ төвлөрч төгс чадвартай болно.
БҮТЭЭМЖ: Хүн амьдралаа өөрийн гараар бүтээн босгодог гэдэгт итгэдэг учир өөрт байгаа нөөц боломжийг бүрэн дайчилж өдөр бүрийг шинийг сурч шинийг бүтээнэ.
ҮЛГЭРЛЭЛ: Сайнаар үлгэрлэх нь хөгжихийн үндэс гэдэгт итгэдэг учир хамгийн сайн чадах зүйлээрээ ойр тойрныхондоо нөлөөлж хамтдаа хөгжинө.
ҮНЭТ ЗҮЙЛ: Түр зуурийн ашиг алдар нь насан туршийн нэр төрийг үгүйрүүлдэг гэдэгт итгэдэг учир өөрсдийн үнэт зүйлд гуйвшгүй бат зогсоно.
НЭГДЭЛ: Хамтын чармайлт нь биднийг илүү хүчирхэг болгоно гэдэгт итгэдэг учир ижил үнэт зүйл, үнэлэмжтэй хүмүүстэй нягт уялдаатай хамтран ажиллана.
ӨӨРЧЛӨЛТ: Зовлон жаргалын шалтгаан нь хүн өөрөө гэдэгт итгэдэг учир болж бүтэхгүй байгаа бүхнээ бусдаас боллоо гэж шалтаглахгүйгээр өөрөөсөө алдаагаа олж өөрчлөлтийг өөрөөсөө эхлүүлнэ.
ХӨГЖИЛ: Улсын хөгжлийн үндэс нь хүний хөгжил гэдэгт итгэдэг учир хүнийг чадваржуулан хөгжүүлэхэд бүхий л үйл ажиллагаагаа чиглүүлж ажиллана.

4. Нийтлэлд баримтлах зарчим

Үндэслэлтэй, үнэн бодитой байна.
Боловсрол, хүний хөгжлийн мэдээллийг чухалчилна.
Өрсөлдөөнт мэдлэгийг бүтээгч байна
Асуудлыг тодорхойлж шийдлүүдийг санал болгогч байна
Шинэ бүтээл, оновчтой санааг түгээгч байна
Нийгмийн сайн сайхан үйлс, хөгжил дэвшилд чиглүүлэгч байна
Үндэсний үнэт зүйлсийг дэлгэрүүлэгч байна
Ирээдүйч байна

5. Яруу сэтгэгчийн мэдлэг хэсэгт хүний амьдралын үндсэн боловсрол болох 12 төрлийн мэдлэгүүд байна.

Сэтгэлгээний боловсрол
Сэтгэлийн боловсрол
Эрүүл мэндийн боловсрол
Гоо сайхны боловсрол
Харилцааны боловсрол
Санхүүгийн боловсрол
Гэр бүлийн боловсрол
Хууль эрх зүйн боловсрол
Эдийн засгийн боловсрол
Технологийн боловсрол
Байгаль экологийн боловсрол
Түүхийн боловсрол

6. Яруу сэтгэгчдийн нэгдэл: Хүний хөгжлийн чиглэлээр ажилладаг байгууллагуудын үйл ажиллагааг уялдуулж хамтын ажиллагааг нэмэгдүүлснээр нийгмийн хөгжилд дорвитой үр дүнг гаргахаар зорьж Яруу сэтгэгчдийн нэгдэлийг байгуулж байна.

"Яруу сэтгэгч" хүүхдийн цогц хөгжлийн төв
“Өөрчлөлт шинэчлэлийг өөрөөсөө эхэлье” ТББ
“Шинэ үе урлаг” нийгэмлэг
Өүлэн эхийн оюуныг бадраах төв
Соёолж зохимжит хоололт судлалын төв
Монголын эко зохистой хөгжлийн холбоо
Уламжлалт тулааны урлагийн холбоо
Майнд фреедом сургалтын төв

7. Яруу сэтгэгчид: Хүмүүний өөрийгөө болон амьдралыг танин мэдэхүйд түлхэц болохуйц хүний хөгжил, нийгмийн хөгжил, сэтгэлгээний хөгжил, амьдрах чадвар, ертөнцийн зүй тогтол, хүмүүний мөн чанар, амьдрал оршихуйн мөн чанарын тухай голчлон бичиж нийтлэгч, соён гэгээрүүлэгч нь Яруу сэтгэгч нийтлэлчийн буланд нийтлэл бичнэ.

Б.Болормаа /Сэтгүүлч, нийтлэлч. МҮОНРадио 3-р сувгийн редактор. Хүний дотоод мөн чанар, сэтгэхүйн зөрчил, хувь хүний хөгжлийн тухай бичнэ./
Х.Болор-Эрдэнэ /Сэтгүүлч, зохиолч. Хүний дотоод сэтгэлийн хөгжил, зөрчлийн тухай сэтгэлгээний өгүүллэг бичдэг./
Г.Галбадрах /Боловсрол судлаач, нийтлэлч. Хувь хүний хөгжил, хүний үнэт зүйлийн талаар бичнэ./
Б.Гэрэлмаа /Хуульч, хооллолт судлаач. Зохистой хоололт, эрүүл амьдрахуйн арга ухааны талаар бичнэ. Эрүүл зохистой хоололтоор өөрийгөө эмчилсэн. ВИП клуб ТББ-ын тэргүүн, Монголын Лектор Төвийн Жинхэнэ гишүүн, “Соёолж” зохимжит хоолны газрын зөвлөх/
Б.Мөнгөнтуяа /Амьдралын дасгалжуулагч, зохиолч, хувь хүний хөгжил, хүний тархи сэтгэхүйн хэл судлаач (NLP practitioner), илтгэгч (motivational speaker), нийтлэлч./
Л.Нарантуяа /Хуульч, гэр бүл судлаач. Гэр бүлийн харилцаа, гэр бүлийг цогцлоон босгох арга ухааны тухай голчлон нийтлэнэ. Монгол гэр бүлийг 20 жил судлаж буй нэгэн./
Сома /Изотеригч. Хүмүүний чинад билэг, далд ухамсар, ертөнцийн дээд оюун ухааны тухай бичнэ./
Д.Урианхай /Монголын нэрт зохиолч, сэтгэгч, Дэлхийн урлаг соёлын академийн гишүүн, доктор. Хүмүүн хийгээд ертөнцийн гүн ухаан, нийгмийн хөгжлийн талаар нийтлэнэ./
Х.Цэрэндорж /Хүний их эмч, Дээд эрүүл мэндийг үндэслэгч, изотерик судлаач. Дээд эрүүл мэндийн тухай бичнэ./
Ц.Эрдэнэбат /Зөвлөх инженер. Урлаг, яруу найраг, эссэ, философи шимтэн сонирхогч. Хүний чөлөөт сэтгэлгээ, яруу тансаг мэдрэмжийн тухай бичнэ./
Д.Сүрэнчимэг /Сэтгэц хэл шинжээч, "Global networker" цолтой олон улсын сургагч, Хэл шинжлэлийн ухааны магистр, Удирдахуйн ухааны докторант. Боловсролын хөгжлийн талаар бичнэ/

ТАНЫ ЦАХИМ ХУУДСЫГ БИД ХАРИУЦЪЯ

2011-11-08T11:14:00.003+08:00

Цахим нийгэмд таны болон танай байгууллагын дүр төрх, нүүр царай болох цахим хуудсыг тань бид хариуцъя.

Бид Монгол Улсын Ерөнхий Сайд С.Батболд, “Монголын нууц товчоо” компани зэрэг 20 гаруй цахим системүүдийг, интернэт маркетингийн хамт цогцоор нь хийж гүйцэтгэсэн.

Таны цахим хуудасд юу хийгдэх вэ?

Цахим хуудасны хөгжүүлэлт
Цахим хуудсыг олон нийтэд хүргэх сошиаль медиа маркетинг
Интернэт ба хайлтын системийн маркетинг
Брэнд бүүк
Цахим хуудасны админ, удирдлага

Давуу тал боломжууд

iPhone, Android, iPad хувилбар
Хэрэглэгч, дэмжигчидтэй харилцах систем
И-майл маркетинг хийх боломжтой
Facebook-ийн програм хөгжүүлэлт
Онлайн худалдаа, захиалгатай

Хамгийн сайн хамтрагчид хамгийн сайн ялагчид байдаг. Мэргэшсэн ажлуудаа хамгийн сайнаараа хийцгээе!

Бидний тухай:

The New Media Marketing Agency Танилцуулга

Сонгуулиар би хэнд саналаа өгөх вэ?!

2011-11-06T16:15:00.000+08:00

Хаа сайгүй л сонгуулийн уур амьсгал орж гэрт орж ирж гэр цэвэрлэхээс бусдыг л хийж эхлэж байх шиг байна. Зарим нь янз бүрийн ялих шалих зүйлээр ПР хийх гэж оролдож байхад зарим нь бодитой ажлуудыг хийж байна. Зарим нь баахан хэвлэл мэдээллийн хэрэгсэлээр үнэн худал нь мэдэгдэхгүй хар цагаан мэдээгээр булуулж, хардалт сэрдэлтээр шүршүүлж байхад зарим нь яг өөрийн гэсэн цахим хуудастай болж түүгээрээ дамжуулан үнэн бодитой үйл ажиллагаагаа тайлагнаж, олон нийтэд ил тод ажиллах жишээтэй.
"Сонгуулиар би ямар хүнд саналаа өгөх вэ" гэж бодож үзлээ.
ИЙМ ХҮНД САНАЛ ӨГНӨ

Дүрэлзэж байгаа галын утаатай нь хөөцөлддөг биш, гал асаж байгаа газрыг олж унтраахын тулд ажилладаг. Асуудлын шинж тэмдэгүүдтэй зууралдаж хамаг мөнгө, цаг хугацаагаа үрдэг биш асуудлын уг суурийг олж үндсээр нь шийвдэрлэхийг зорьдог.
Түр зуурын хүн уяраах бэлэг сэлт биш бодит бүтээн байгуулалт, хүний амьдралд наалдацтай ажлуудыг сэддэг, хийх гэж зорьдог хүнийг.
Шийдлээ хүлээж буй олон асуудлууд дундаас шийдэж болох нэг асуудлыг ул суурьтайгаар барьж авч эрдэмтэн судлаач, залуус, сонгогчидтойгоо хамтран шийдвэрлэхүйц үндэсний хэмжээний хөтөлбөр гаргаж түүний тулд ажиллах. Жишээ нь: Хүний хөгжлийн мөнгөө нийлүүлж хувьцаат компани байгуулаад 100 гаруй хүнийг ажлын байртай болгосон туршлага бол маш сайн туршлага.
Тодорхой зорилгын төлөө тууштай байж, үйл ажиллагаа, үзэл бодлоо ил тод тавьж чаддаг.
Юм бүхэнд өөрийгөө харуулах гэсэн биш жижигхэн ч гэсэн асуудлыг ул суурьтай шийдвэрлэхийн төлөө ажилладаг хүнийг.
Зарим нь мөнгөө юунд үрж, хүмүүст таалагдах гэж учраа олохгүй явж байхад зарим нь хүүхдүүдэд сургалт болтугай худалдаж авч өгч байх жишээтэй. Энэ бол бас болж л байна шүү дээ. Худлаа өөрийгөө магтаж байхаар хүүхдүүдэд хэрэгтэй мэдлэг худалдаад аваад өгчихвөл тэр чинь их буян шүү дээ. Яг иймэрхүү боломжийн санааг дэмжиж саяхан нэг сургууль дээр очиж "Мэргэжил сонголт"-ын талаар лекц уншлаа.
Товчхондоо бол өөрөө супер хүн болох гэж оролддог биш, зөв зүйл санаачлаад хийгээд байгаа хүмүүсийг дэмждэг, судлаад боловсорчихсон мэргэдийн үгийг сонсоод хамтраад явж чаддаг хүмүүс.

ИЙМ ХҮНД САНАЛ ӨГӨХГҮЙ

"Архигүй аймаг болно" гэх мэт ямар ч боломжгүй, хүүхэд хуурч байгаа мэт тэнэг ПР юмнууд хийгээд байгаа гарууд. Архи бол шинж тэмдэг болохоос асуудлын уг язгуур бол биш юм. "Архи уухгүй байцгаая" гэсэн уриа лоозон юуг ч өөрчилж чадахгүй. Тэрний оронд архи уудаг, ажилгүй 100 хүнийг цуглуулж 10 суманд 100 чулуун хороо бариулах үндэсний бүтээн байгуулалт эхлүүлэхэд л олон асуудлыг шийдвэрлэх боломжтой болно. Яагаад архи уугаад байгаа язгуур шалтгаанаа оношлохгүйгээр дэмий орилох дэмий.
Яах гээд байгаа нь тодорхой биш, янз бүрийн л бүтэх бүтэхгүй санаа ч юм уу, судалгаа ч юм уу яриад л яваад байдаг, энд тэнд очиж зуух, нүүрсхэн гардуулж өөрийнхөө улаан нүүрийг хаа сайгүй харуулж ТВ-ийн камер харахаараа бялдуучлан инээмсэглэсэн өөр хүн болж, хүрз барьж ажилсаг хүн болж, камер явчихаар бүүр өөр хүн болдог гарууд.

ХҮСЭХ ЗҮЙЛ
Хүссэн ч, эс хүссэн ч сонгуулийн компанит ажил энээ тэрээ гээд тэрбумаар нь мөнгө урсгана. Тэр мөнгөө найр наадам, баас шээс, архидалт болох, өнөө маргаашийг аргацаасан зүйлд бага үрж үнэхээр хүний амьдралд үр дүн өгөхүйц бодит ажлын байр, бодит бүтээн байгуулалт, хүний амьдралд наалдацтай ажлуудад мөнгөө зориулаарай гэж хүсэх байна. Эцэст нь Та сэтгэсэн, бодсон, ярьсан, хийсэн бүх ҮЙЛИЙНХЭЭ ҮРИЙГ ЭДЛЭНЭ гэдгээ бүү мартаарай.

ДЭЭД ЭРҮҮЛ МЭНД номын хурим боллоо

2011-11-06T01:44:00.005+08:00

Номын хуримд Монголын сор болсон эрдэмтэн мэргэд хүрэлцэн ирж үгээ хэллээ. Дээд эрүүл мэнд бол яах аргагүй дэлхийн эрүүл мэндийн шинэ хандлага гэдгийг хүлээн зөвшөөрч байлаа. Хүнийг элэг бөөрөөр нь салгаж, тайрч огтолж амьдруулах бол сайн хувилбар биш харин хүн өөрийгөө бүхэл язгуураараа ойлгож ухаарч, өвчин тусахгүй байхаар өөрийгөө тэжээн тэтгэж байх нь хамгийн чухал ажээ.
Номын тухай дэлгэрэнгүй мэдээллийг авна уу.

ДЭЭД ЭРҮҮЛ МЭНД бол 21-р зууны анагаах ухаан юм

2011-11-03T00:15:00.002+08:00

Энэ номын ариутган шүүгч болон уран сайхны зөвлөхөөр ажиллаа. Миний хувьд олон жил бодож хариултыг нь олж чадахгүй байсан олон асуултынхаа хариултыг энэ номноос оллоо. Өмнө нь тэгэх ёстой, ингэх ёстой гэж зөвлөсөн олон л ном уншиж байлаа. Харин энэ номны хувьд яагаад "ингэх ёстой"-гийн учир шалтгааныг маш сайн тайлбарлаж өгсөнөөрөө маш их сэтгэгдэл төрүүлж чадлаа. Тиймээс би энэ номыг “Хүн өөрийнхөө ертөнцийг хэрхэн бүтээж, хэрхэн устгадагийг хамгийн ойлгомжтойгоор тайлбарласан бүтээл” гэж дүгнэж байна.

Уг бүтээл нь номын бүтээгдэгчдийн олон жилийн судалгаа, туршлагын үр дүнд бүтэж буй бөгөөд бүх цаг үеийн анагаах ухааны хамгийн сайн ололтуудад үндэслэн ДЭЭД ЭРҮҮЛ МЭНД гэсэн шинэ онолыг дэвшүүлж байгаагаараа онцлог юм. ДЭЭД ЭРҮҮЛ МЭНД гэдэг нь Хүний язгуурийн бүтэц болох
“Биеийг эрүүл- гоо сайхан
Ухааныг саруул- цэцэн мэргэн
Сэтгэлийг ариун- өршөөнгүй уужуу,
Дотоод хийн эргэлтийг тэгш- амар амгалан,
Амин орныг цэвэр- гэрэлтэнгүй тунгалаг,
Ухамсарыг төгс- гэгээрэнгүй,
Сэрэмсэрийг төгөлдөр- бурханлаг
Орныг тааламжтай бат бэх” байлгах
Газар дэлхий,
Тэнгэр огторгуй,
Бурханлаг дээд хүчний үүсэхүй оршихуй, хувьсахуйн хуулинд зохицон аж төрж Хүмүүн бүр өвчингүй амьдрах, өвдвөл бүрэн төгс эдгэрэхийн онол арга зүйг тусгасан шинжлэх ухаан ажээ.

Номын хурим 11 сарын 3-ны 16:00 цагт Интер номын их дэлгүүрт болох тул сонирхсон хүмүүс хүрэлцэн ирнэ үү. Нээлтийн үеэр орон даяар хэрэгжүүлэхээр төлөвлөж байгаа ДЭЭД ЭРҮҮЛ МЭНД төслийг танилцуулах тул, уг төсөлд хамтран ажиллах сонирхолтой байгууллага, хувь хүмүүс мөн хүрэлцэн ирнэ үү.

ЗАРЛИГ бол ажлынхаа заваар блогчид байшин барих боломж юм

2011-11-02T20:09:00.002+08:00

Зарлиг хөдөлгөөнийг олон нийтэд танилцуулах зорилготой уралдаанд оролцож 500000₮-ийн эзэн болоорой.

Зарлиг хөдөлгөөний тухай:

МОНГОЛ БЛОГЧИД наадамд Блогч бүр оролцоорой

2011-11-02T19:59:00.003+08:00

Дэлгэрэнгүй мэдээллийг: http://mongolbloggers.org/

Social Media Club Ulaanbaatar анхдугаар уулзалт боллоо

2011-10-23T15:40:00.001+08:00

See the full gallery on Posterous

Монголын цахим гэр бүлийн гишүүдийг НЭГТГЭХ, Дижитал медиа боловсролыг ӨРГӨЖҮҮЛЭХ, сайн туршлагыг ХУВААЛЦАХ, медиачуудыг холбож ХАМТЫН ажиллагааг өрнүүлэх зорилготой SMCUB клуб АНХДУГААР уулзалтаа зохион байгууллаа.

Хөтөлбөрийн дагуу
Оролцогчид өөрийгөө болон өөрийн бизнесээ танилцуулж, өөрийн туршлагыг бусадтай хуваалцах
Бизнесээ сурталчилж, бизнесийн хүрээллээ нэмэгдүүлэх
Нэрийн хуудсаа солилцож хамтын ажиллагаагаа өргөжүүлэх
Онлайн танилаа бодит болгож, яриагаа ажил хэрэг болгох зэрэг боломжуудыг оролцогчидод олголоо.

Олон сонирхолтой хүмүүстэй танилцаж зарим нэг ажил хэргийн талаар ярилцлаа. Өөрт хэрэгтэй ном мэдээлэлийг олж авлаа. Ер нь бол энэ клубын зорилго үйл ажиллагаа нь маш их таалагдаж байгаа. Бас твиттер, фасевүүкийг үггүйгээр илэрхийлэх тэмцээн сонирхолтой гоё болсон. Бичлэгийг нь доор тавьсан. Үзээрэй.

Дараагийн уулзалтанд хүрээд ирээрэй, хөө.

Facebook-ийг Монгол хувцасаар дулаацууллаа

2011-10-22T21:55:00.001+08:00

See the full gallery on Posterous

"Алтай кашмир" компанитай хамтран "Монгол хувцасаар Facebook-г дулаацуулъя" сошиаль медиа компанит ажлыг амжилттай зохион байгууллаа. Уралдаан олны анхаарлыг маш их татаж нийт 430 зураг ирсэн бөгөөд Ганболд Баярмагнайгийн “Дээл бид 2 Фэйсбүүкийг үргэлж дулаахан байлгах гэж хичээдэг шүү” зураг 1916 Like-тай 1-р байр, Уясах Жаргалсайханы зураг 2-р байр, Дамдинсамбуугйин Дандийгийн “Наадмаар” зураг 3-р байрт тус тус шалгарлаа. Уралдааны гол амжилт нь шагналын хэмжээ гэхээсээ илүүтэйгээр монгол бахархалаа дээдэлсэн уриа, мөн оролцоход хялбар байдал, шүүлт нь ил тод байсан зэрэгтэй холбоотой байсан болов уу. Хүмүүсийн сэтгэгдэлээс харж байхад энэ яасан гоё альбом болоо вэ гэсэн сэтгэгдэл маш олон байсан. Реклам сурталчилгааны зардлаа багасгаж харин хэрэглэгчидийнхээ амьдралд хэрэгтэй бодитой маркетингийн ажил зохион байгуулж байгаа Алтай кашмерийн хамт олонд баярлалаа. Энэ уралдааныг зарласан хугацаанд компанийн Facebook хуудасны фэний тоо 1300-р нэмэгдсэн байна.

Мөн кашмир, ноолууран бүтээгдэхүүний зөв арчилгаа тордолгоотой холбоотой зөвлөгөө бэлтгэсэнийг үзээрэй.

Хуримын ерөөл, хуримын дэг

2011-10-22T21:22:00.002+08:00

Хурим найрын улирал үргэлжилж байгаатай холбогдуулан та бүхэнд хэрэгтэй байж болох хэдэн мэдээллийг хүргэж байна.

Хуримын ёслолын үйлдсэний дараа хуримын цайллага найрыг зохион байгуулдаг. Энэ үеэр тал талаас маш их ерөөлийг хэлэх ёстой юм.

Хуримын ёслолын зөвхөн хуримын ордонд хийнэ гэсэн ёс байдаггүй бөгөөд ёслол үйлдэж сурсан туршлагатай хүмүүсээр удирдуулж хүссэн газраа хийлгэж болдог юм байна.

Ерөөл

Зээ

Хуримлагч хосын нэрс

.....................................................

Өвөг дээдсийнхээ ариун голомтыг өртөөлөн залгамжилж

Гал голомтоо бадрааж буй билэгтэй сайхан энэ өдөр

Үгийн сайхнаар ерөөл өргөж

Сэтгэлийн сайхнаар бэлэг барияа

Эцгийн ариун голомтыг

Ган тулгандаа бадрааж

Золгон учирсан энэ өдрөөс

Сэтгэл итгэлээрээ хайраа тэтгэж

Хазайсан газар нь нэгнээ түшиж

Хальтарсан газар биесээ тулаж

Нэгэн бие мэт нийлсэн сэтгэлээрээ

Насан буянаа тэгшитгэж яваарай.

Өвгөдийн шийрлэсэн хасагт тулганд

Өөдөө цоролзсон галаа өрдөж

Өрхөн дээр цугласан

Долоон бурханд

Өлгийтэй үрийнхээ дууг сонсгохоор

Өнөр өтгөн сайхан айл болоорой.

Ургийн холбоо батжих болтугай

Удмын өлзий дэлгэрэх болтугай

Нарт хорвоогийн буяныг эдэлээрэй

Насан туршид хамтран жаргаарай.

Амраг хосын эвийн сэтгэлээс мандсан

Алтан шаргал зүстэй наран юм шүү

Аавын охиныг түшиж жаргана гэдэг чинь

Алаг эрээн хорвоогийн жам л юм шүү

Энхрий хосын янаг зүрхнээс ургасан

Ээдэм цагаан өнгөтэй саран юм шүү

Ээжийн охиныг түшиж жаргана гэдэг чинь

Эргэх цэнхэр дэлхийн жам л юм шүү

Хайртай хосын аясыг дагаж эргэсэн

Хатан сүйхэн хээтэй орчлон юм шүү

Ханийн энгэр түшиж жаргана гэдэг чинь

Ханагар баян амьдралын жам л юм шүү

Уйлах инээх хоёрт цугтаа байж

Унах босох хоёрт хамтдаа байж

Үрсийнхээ дуунд хайрын илч нэмэгдээд

Өргөө цагаан гэртээ төвшин жаргаарай

Энд ерөөлийг бүрэн эхээр оруулав

Зочидод хандсан

Ховор эрдэнийн үнэтэй

Залуу сайхан нас

Хосоор амьдрах жамтай

Замбуу тивийн ёс

Урьсан бидний ураг батжиж

Уригдсан зочдын өлмий бат оршиг

Насанд энхжин, жарган дэлгэрэхийн

Хишиг буян, ерөөлийг айлтган

Наран хотолсон халуун голомтдоо

Хүндэт зочдоо өөдөө залъя!

Хуримлагч хос-д хандсан

Өвөг дээдсийнхээ ёсыг дагаж

Өөдөө ассан галаа бадрааж

Өрх гэрийнхээ үүдийг татаж

Өлгийтэй үрийнхээ дууг сонсохоор

Айл болж буй .......

Тоонот гэрээн барьж

Тогтуун жаргалтай амьдарюү

Тулгандаа галаан бадрааж

Түвшин жаргалтай амьдарюү

Өргөө гэрээн барьж

Өнөд жаргалтай амьдарюү

Үүрдийн ариун хайраар

Үрсээ өсгөн мөнхөрюү

Хуримын цайллагын дэг

Бэлтгэл ажил:

Микрофон, аппарат, камер,

Хэлэх үгс, шилдэг ширээний шагнал

Хуримын дуу, гэр бүл, аз жаргалын тухай дуу, бүжгийн ая

Зурагчин, зураглаач, дуучин, хуурч бэлтгэнэ

Эхлэл:

Суудлын төлөвлөгөө гаргана.

Ширээгээ зассан байна

Зочидоо угтан авч, ширээнд нь урьж суулгана. /2-3 охид/

Ширээ бүрийн сөнчийг сонгоно.

Хүн бүрт цайгаа барьсан байна

Ерөөл хэлнэ

Морин хуур

Уртын дуу /жавар үргээнэ/ /дууч, хуурч/, Энэ үед ширээ бүрийн сөнч нь хундага дүүргэх ёстой

Анхны хундага

Хүлэлцэн ирсэн хүндтэй хүмүүсийг танилцуулна.

2 талын аав, ээжүүд нь сургаалиа хайрлана

Хундага өргөнө

Зураг даруулах үйл ажиллагаа, зурагчин ажиллах хэрэгтэй /нийтээр/,

Энэ үед хоолыг зөөнө.

Зочидоо зоогонд урина

Аяны дугараа /ээлж дараагаар/

Хуримын бэлэг, сэлтээ гардуулна

/Төрөл төрөгсөд, Найз нөхөд нь өөрсдийгөө танилцуулж

Хуримлагч хосдоо захиас сургамж, сэтгэлийн үгээ хэлнэ/

Хуримлагч хос маань төрөл төрөгсөд, найз нөхөддөө сэтгэлийн үгээ хэлнэ

Хуримлагч хосууд ширээ бүр дээр очиж хундага өргөнө.

Аяны дугараа /Хуримын хос ширээ бүр дээр очиж, хундага өргөнө/

Бүжиг

Ширээ бүрийн хооронд тэмцээн /дуу, шүлэг, бүжиг, ерөөл, магтаал/

Ширээнүүдийн хүмүүсийг сольж суулгана. Хүмүүсийг танилцуулна.

Намар

2011-10-20T13:50:00.001+08:00

Зохион байгуулагч байгууллагын блогуудыг шилдэгт өрсөлдүүлдэггүй учир МОНГОЛ БЛОГЧИД 2011 наадмаас нэрээ татлаа

2011-10-20T13:26:00.001+08:00

See the full gallery on Posterous

"Монгол блогчид 2011" 2 дахь жилдээ болох гэж байна. Блогчидын эв нэгдлийн цугларалт болдог сайхан наадам гэж боддог. Миний бие блог бичээд 5 жил гаруй болж байна. Хэдийгээр миний блогийн нийгмийн салбарын блогийн тэргүүнд давхиж байсан хэдий ч, "Зохион байгуулагч байгууллагын блогуудыг шилдэгт өрсөлдүүлэхгүй" гэсэн наадмын дүрмийн дагуу, өөрийн блогийг татаж байна. Оролцогчид маань гайхаж байгаа байх л даа. Энэ The New Media Marketing Agency-гийн блогууд л дээгүүр байна. Өөрсдөө шагналаа авчих юм биш үү гэж. Хэдийгээр бид энэхүү наадамд өрсөлддөг ч гэсэн шилдэг блогт нэрийг нь оруулахыг зохион байгуулагчидын зүгээс зөвшөөрдөггүй юм шүү. Тиймээс би өөрийн нэрийг татаж байна. Манай компанийн бусад залуусын блог байгаа хэдий ч шилдэгт өрсөлдөхгүй тул та бүхэн бүү санаагаа чилээгээрэй.

Тиймээс эрхэм блогчид та бүхэн МОНГОЛ БЛОГЧИД наадамдаа блогоо сойж, блогийнхоо чанар чансааг тодорхойлж, блогчидынхоо хийж бүтээж байгаа ажлуудыг дэмжээрэй.

Миний бодлоор бол Монгол Блогчид наадамд нийгэмд блогийн ач холбогдолыг ойлгуулах, мэдлэгийн нийгмийг хөгжүүлж буй үлгэр жишээ хүмүүсийг үлгэр дууриалал болгох блогчидын чансааг тодорхойлж шагнал гардуулдаг ч гэсэн хамгийн чухал зүйл нь бол Монголын Блогчидын Эв нэгдлийн цугларалт болдог арга хэмжээ гэж бодож явдаг.

Блогчиддоо амжилт хүсье.
Сайхан наадаарай
12 сарын 3-нд уулзацгаая!

Монголоос экспортолж болохуйц хүнсний бүтээгдэхүүнүүд

2011-10-20T11:50:00.001+08:00

See the full gallery on Posterous

Хүнсээ цуглуулахдаа үндэсний үйлдвэрлэлээ дэмжихийг хичээдэг. Сүүлийн үед сонголт маш их өргөжиж байгаа. Баяртай байна. Үндэсний үйлдвэрлэл, тэр дундаа хүнсний үйлдвэрлэл илт сэргэж байгаад баяртай байна. Гурил, гурилан бүтээгдэхүүн, сүү, сүүн бүтээгдэхүүн, мах махан бүтээгдэхүүн, борц, чихэр жимсийг олон төрлөөр үйлдвэрлэж байна. Одоо дүр төрх урлаачидтай хамтарч сав баглаа боодлоо сайжруулаад, судлаач эрдэмтэдтэйгээ хамтарч хадгалалт, үйлдвэрлэлийн технологийг сайжруулаад, маркетеруудтайгаа хамтарч маркетингаа сайжруулаад экспортод гаргаж болохуйц бүтээгдэхүүнүүд олон гарч ирж байна.

Жишээ 1: Борцтой бэлэн хоол

See the full gallery on Posterous

Энэ борцтой бэлэн хоол маш их таалагдсан. Үнэхээр гоё амттай, хөлс чийхаруулсан борцтой бэлэн хоол гаргасанд баярлалаа.

Жишээ 2. Савлагаатай борц

Энэ савлагаатай борцнууд экспортолж болохуйц бүтээгдэхүүн гэж бодож байгаа. Борц бол авсаархан, хадгалалт даадаг маш сонирхолтой бүтээгдэхүүн. Ялангуяа аялагчид, геологч, хайгуулчидад их тохиромжтой гэсэн маркетинг хийж болно.

Жишээ 3. Жамц давс

See the full gallery on Posterous

Жишээ 4. Мөрөөдлийн ханд /нойргүйдлийн эсрэг бэлдмэл/

See the full gallery on Posterous

Жишээ 5. Зөгийн бал, байгалийн зэрлэг жимсээр хийсэн цуврал БАД (Байгалийн амин дэмүүд)

See the full gallery on Posterous

Энэ бүтээгдэхүүнүүд бол бүгд гайхалтай давтагдашгүй чанартай. Дэлхийд нэн ховор бүтээгдэхүүнүүд юм. Монгол чацарганыг гадаад зах зээлд таниулж чадсан шиг монгол гэсэн тодотголтой олон бүтээгдэхүүнийг гаргаж болох юм.

Одоо хамтрах л үлдлээ.

Эсгий гутал Монголд үүсээд Оросд төгөлдөржчихөч!?

2011-10-19T21:41:00.001+08:00

See the full gallery on Posterous

Түмэн Плаза дотор явж байсан нэг ийм гутал байна. Оросд үйлдвэрлэсэн эсгий гутал гэнэ. Үнэхээр супер загвартай, чанартай болгоод хөгжүүлсэн байна. Манай залуус эндээс санаа аваад хийж болмоор санагдлаа. Бид уламжлалт эд зүйлээ жаахан сайжруулахад л супер бүтээгдэхүүн болохоор байгаа биз дээ.

"Сүү" компани сошиаль хэрэглэгчидээ мартахгүй

2011-10-19T21:21:00.001+08:00

See the full gallery on Posterous

"Шинээр маркетингжуулах нь" аяны хүрээнд "Сүү" компаниар зочилж интернэт маркетингийн талаар сургалт хийлээ. Маркетинг, борлуулалтын албаны мэргэжилтнүүд идэвхитэй оролцож интернэт хэрэглэгчид тэр дундаа сошиаль медиа хэрэглэгчидээ мартахгүйгээр олон сонирхолтой ажлууд хийхээр төлөвлөж байгаагаа хэлж байсан.

Миний хувьд үндэсний үйлдвэрлэлээ дэмжигч нэгэн бөгөөд "Сүү"-ний бүтээгдэхүүнүүдийг экспортод гаргахуйц түвшинд ажиллах ёстой гэж үздэг. Мөн Монгол улс мал ахуйн орон атлаа сүү, сүүн бүтээгдэхүүн импортоор оруулж ирдэгт гайхдаг.

Тиймээс "Сүү" компани ч бай, бусад сүү сүүн бүтээгдэхүүний үйлдвэрүүд экспортод гаргахуйц чанартай, өнгө төрхтэй бүтээгдэхүүн үйлвэрлээсэй. Түүнийгээ гадаад зах зээл таниулахын тулд интернэт маркетинг, сошиаль медиа маркетингийг сайн ашиглаасай гэж боддог. Надад сүүлийн үед таалагдаж байгаа нэг бүтээгдэхүүн бол Милко компанийн ЗӨВ аарцны ундаа. Энэ ундааг экспортолж болно гэж би боддог. Харин "Сүү" компанийн гарын бэлэг дотор байсан "Баяжмал" хорхой ааруул буюу хорхой ааруул, үзэм, самар зэргийн хольж савласан бүтээгдэхүүн маш их таалагдлаа.

За эцэст нь эрхэм маркетеруудаа, маркетингийн шинэ чиг хандлагыг мэдэрч аль болох хэрэглэгчийг залхаах сурталчилгаагаа багасгаж үнэнч хэрэглэгчээ бөөцийлөх, хэрэглэгчидтэй илүү ойр дотно байж, түрхэн шуурхай харилцах, хэрэглэгчидийнхээ амьдрал ахуйд хэрэгтэй маркетингийн компанит ажлууд хийгээрэй гэж уриалж байна.

Өдөр шөнөгүй хайрлана аа!!!

2011-10-13T05:34:00.001+08:00

Хүний нөөцийн мэргэжилтнүүдийн хөгжлийн шинэ үе эхэллээ

2011-10-13T03:06:00.001+08:00

See the full gallery on Posterous

2011 оны 10-р сарын 12-нд МҮХАҮТанхимын Үзэсгэлэнгийн их танхимд "Global HR Forum 2011" боллоо. Манай улсын эдийн засаг эрчимтэй хөгжлийн эрин үеийн босгонд тулж ирээд буй энэ үед мэргэжсэн чадварлаг боловсон хүчний эрэлт улам бүр нэмэгдэж байгаа билээ. Өсөн нэмэгдэж буй энэ хэрэгцээг хангах ур чадвартай ажилтануудыг бэлтгэхэд хүний нөөцийн удирдлага, боловсролын болон бизнесийн байгууллагуудын хамтын ажиллагааг шинэ түвшинд хүргэх шаардлага гарч ирж байна. Тиймээс зөвлөлгөөнийг "Хүний нөөцийн менежерүүдийн шилдэг арга барилыг харилцан солилцох, дэлгэрүүлэх, орчин үеийн бизнесийн байгууллагын хүний нөөцийн менежментийн тулгамдсан асуудлуудыг хэлэлцэх, мэдээллийн сан, сүлжээг үүсгэн хөгжүүлэх" зорилгоор "Менежментийн шилдэг арга барилын эрэлд" уриан доор явагдлаа.

Ихэнхи илтгэлүүдийн гол санаа нь бол хүний нөөцийн бодлогыг шинэ түвшинд гаргах цаг үеийн шаардлага ирсэн бөгөөд хувь хүний авъяас ур чадварт чиглэсэн урт хугацааны хөгжүүлэх хөтөлбөр, байгууллагын соёл, үнэт зүйлийг төлөвшил нь чухал байна гэж үзэж байсан.

Зөвлөгөөний үеэр "Хүний нөөцийн цахим сүлжээ" /http://hrnetwork.mn/ албан ёсоор нээгдлээ. Бас нэг сонирхолтой зүйл гэвэл зөвлөгөөний сүүлрүү тог тасарсан хэдий ч илтгэгчид микрофонгүй ярьж, сонсогчид тэвчээртэйгээр 1 цаг орчим үргэлжлүүлэн сонссоор байлаа. Ингээд яг дуусаж байхад тог ирсэн бөгөөд хүмүүс ингэж тэвчээртэйгээр сууж чадсан нь хүний нөөцийн мэргэжилтнүүдийн өөрийгөө хөгжүүлэх хүсэл эрмэлзэлийг харуулж байлаа. Мөн 10 сарын 15 нь Хүний нөөцийн менежерүүдийн өдөр гэдгийг мэдэж авлаа.

Зөвлөлгөөний үеэр дэвшүүлэгдсэн түлхүүр санаануудыг тэмдэглэж авснаа хүргэж байна

1. Ямар ч насны, амьдралын аль ч үедээ явж байж болох хувь хүнд сурч боловсрох, хөгжихөд туслаж ажил мэргэжлийн чиг баримжаа олгох нь чухал.

2. Үр дүн бүхий манлайлал чухал байна.

3. Тухайн ажилд шаардагдах суурь ур чадвараа хамгийн түрүүнд тодорхойлох нь чухал.

4. Нэг удаагийн биш ажлын байран дахь тасралтгүй сургалт чухал.

5. Монголынхоо талаар ямар ч төсөөлөлгүй, эх орондоо ирэх хүсэлтэй мэргэжилтнүүдийг дасан зохицуулах асуудал маш чухал.

6. ЛИДЕРИЙН ШИНЖ: Өөртөө итгэлтэй, бусадтай нийцэхүйц байдал, итгэн нийцэж болохуйц байдал, дасан зохицох байдал, суралцах байдал

7. Мэдлэгийг бүтээлч болгохын тулд мэдлэгүүдээ холбох хэрэгтэй. 35 үсгээр 200 мянган үг, 7 нотоор тоолшгүй ая зохиодог шиг мэдлэгүүдийг холбо.

8. Бичих, унших, ярих чадварыг сургаж байгаа боловч Сонсох чадварыг сургах хэрэгтэй.

9. Нүдэнд харагдахгүй өрсөлдөх чадвар нь Байгууллагын соёл юм.

10. Лидерийн шалгуур: Дагалдагчидийн үнэнч байдал.

11. Монгол бизнес кэйсүүдэд тулгуурласан сургалт чухал.

12. Хүнийг үр дүнгээр тооцохоос гадна турайн үр дүнг хэрхэн авчирсан бэ гэдгээр дүгнэх нь чухал.

13. Ур чадавхийн удирдлага /talent managment/ чухал.

14. Нүүдэлчин сэтгэлгээтэй хүнийг сандал дээрээ хөдөлгөөнгүй суу гэвэл тохирохгүй. Хөдөлгөөнтэй байж сэтгэдэг хүнийг хорьж болохгүй.

15. Хүнийг удирдах монгол ухааныг сайн судлах шаардлагатай байна. Энд тэндээс янз бүрийн чимэг зүүлт наах алиалагч мэт бүү бай.

16. Даяаршлагддаггүй зүйл гэж байдаг. Тиймээс монгол хүнээ сайн судлаж онцлогт тохирсон хүнийг хөгжүүлдэг тогтолцоог бий болгох хэрэгтэй.

17. Монгол хүний сэтгэлгээнд тохирсон удирдлагын арга барилаа боловсруулах шаардлага тулгарч байна.

18. Нүүдэлчин соёл иргэншлийн сэтгэлгээ одоо хүртэл байна. Тиймээс монгол хүнээ судлахгүйгээр гадны зүйлүүдийг хуулбарлаад үр дүнгүй.

19. Шившигтэйгээр шагнагдсанаас чимээгүй үхсэн дээр гэсэн нөхцлийг бий болгохгүйн тулд үзэмжээрээ бүү шагна.

20. Бага хүсэл эрмэлзэлтэй өндөр ур чадвартай хүнд дотоод мотиваци өг

21. Бага хүсэл эрмэлзэлтэй ур чадвар муу хүнд нэг бүрчлэн тайлбарлаж өг

22. Зарим газарт “Хэрхэн сайн мэргэжилтэн бэлдэх вэ” гэж ярьж байхад зарим нь “Хэрхэн сайн мэргэжилтэнг сугалах вэ” гэсэн сургалт явагдаж байгаа нь өрсөлдөөнийг харуулж байна.

23. Одоогийн бодовсролын систем өнгөрсөний боловсрол олгож ирээдүйг төлөвлөх, тооцоолох чадвары бага олгож байна.

24. Тухайн асуудлыг яаж тодорхойлж байгаагаас асуудлын шийдэл хамаарна.

25. Хэсэг хугацааны дараа техник хуучирдаг бол ХҮН-г үргэлж хөгжүүлж болдог.

26. Ямар ч асуудалд бүтээлч шийдэл байдаг.

27. Засгийн газар ирэх онд төсвийн байгууллагын цалинг 53% нэмэхээр болсон нь хувийн секторт хэрхэн нөлөөлөх нь маш төвөгтэй асуудал юм. Төсвийн байгууллага нь хувийн хэвшилийн татвараар цалингаа нэмдэг

28. Хүн бүр давтагдашгүй. Түүнийг хүлээн зөвшөөрч чиглүүлж, дэмжиж чадвал хүн бүрт төсөөлөөгүй их нөөц бий.

29. Удирдлагууд өөртөө таалагдах, өөртэйгээ адилхан ажилтнуудыг хайдаг нь ижил загвараар хэвлэгдсэн зомбинуудаар хүрээлүүлэх ёр болдог.

30. ESOP буюу ажилтнуудаа хувьцаа эзэмшүүлэх хөтөлбөрийг Голомт банк хэрэгжүүлж эхлэсэн.

31. Өөрчилж чадах зүйлээ өөрчилөх гар, өөрчилж чадах зүйлээ хүлээн зөвшөөрөх уужуу сэтгэл, энэ 2 зүйлийг ялгах ухаан хэрэгтэй.

32. Ажилтан сонгохдоо өөрөөсөө ч илүү хөгжих боломжтой, таныг шүүмжилж чадах ажилтан сонгоорой.

33. Удирдах ажилтан хүнд яг өөрт нь л таарсан хүн олддог.

34. Удирдах ажилтаныхаа хүссэн зүйлийг хийдэг, тохируулагдсан робот мэт ажилтан танд хэрэгтэй гэж үү.

35. Та ажилтнууддаа итгэдэг үү. Итгэдэггүй бол хянах хэрэгтэй болно. Удирдах гэдэг бол хянах биш хөгжүүлэх юм. Хянах шаардлага байгаа бол та буруу ажилтан сонгосон байна.

36. Би бүх ажилтанууддаа адилхан ханддаг гэж ярьдаг нь буруу юм. Хүн бүр давтагдашгүй учир харилцаа ч давтагдашгүй өөр өөр байх естой.

Дорнын их яруу найрагч Явуухулангийн цэцэрлэг

2011-10-10T02:19:00.001+08:00

Ардын чанх баруун талд байрлах Явуухулангийн цэцэрлэгээр орлоо. Хүүхэд, залуучууд, нийслэлчүүдийн амарч салхилах газар нэгээр нэмэгдсэнд баяртай байна. Цэцэрлэг их сайхан болжээ. Тайз байгаа нь бүүр их таалагдлаа. Намайг очиход хүүхдүүд тоглоод, хосууд болзоод гоё байна лээ. Та заавал нэг зочилж их найрагчийн чулуун дээр сийлсэн "Алаг дэлхийд төрсөн минь учиртай" шүлгийг уншаарай.

See the full gallery on Posterous

http://barilga.mn- Барилгын салбарынхныг цахимжуулна

2011-10-10T02:02:00.001+08:00

See the full gallery on Posterous

Барилга.мн - ийн хамт олонд "Интернэт маркетинг"-ийн талаар сургалт зохион байгууллаа. Энэ хамт олны барилгын салбарт хийж байгаа хэвлэл мэдээллийн ажлууд нь таалагддаг. http://barilga.mn/ цахим хуудас, Барилга.МН сэтгүүл гэх мэт. Сүүлд гаргасан "АМИНЫ ОРОН СУУЦ шилдэг 100 загвар" ном нь их таалагдлаа. Энэ номонд амины орон сууцны загвар, хийц, материал, хэрхэн барих талаарх зөвлөгөөг каталоги хэлбэрээр тусгасан нь маш сонирхолтой юм байна.
Цаашид барилгын салбарын нэгдсэн мэдээллийг төвлөрүүлж, барилгын салбарын байгууллагуудад цахим хэрэглээг сурталчилан сургах, иргэдэд интерьер, ландшапт гэх мэт чиглэлээр хэрэгтэй ашигтай мэдээллийг тогтмол хүргэж ажиллана гэж тэдний хамт олон хэлж байсан.

Барилгын салбарынхныг цахимжуулах их ажилд нь амжилт хүсье.

“ШИНЭЭР МАРКЕТИНГЖУУЛАХ 30 хоног” зөвлөгөөний аяны хүрээнд интернэт маркетингийн боловсрол олгох E-book-үүдийг хүргэж байна

2011-10-05T03:12:00.002+08:00

E-BOOK NO.4: INBOUND MARKETING БУЮУ ТАТАХ МАРКЕТИНГ

E-Book No.4 Inbound Marketing буюу Татах Маркетинг<script type="text/javascript">(function() { var scribd = document.createElement("script"); scribd.type = "text/javascript"; scribd.async = true; scribd.src = "http://www.scribd.com/javascripts/embed_code/inject.js"; var s = document.getElementsByTagName("script")[0]; s.parentNode.insertBefore(scribd, s); })();</script>

МОНГОЛД ҮЙЛДВЭРЛЭВ: Монголыг төлөөлж чадах дэлхийн брэнд

2011-10-04T22:34:00.001+08:00

Оскарын Улаан хивсны ёслолд одууд МОНГОЛЫН КАШМИРаар гангарахад, би санаа амрах болно.

МОНГОЛЫГ дэлхийд дахин нэг шинээр нээсэн нь

2011-10-04T02:35:00.002+08:00

See the full gallery on Posterous

TEDxUlaanbaatar бол МОНГОЛЫГ дэлхийд дахин нэг шинээр нээсэн үйл явдал билээ. Энд тавигдсан илтгэлүүд бол Монгол хүн бүр анхааралтай шимтэн сонсож, үг үсэг бүрийг нь зүрх сэтгэлдээ хадгалж, санаа сэдэл бүхнийг нь үйл хэргээр хэрэгжүүлэх ёстой ОНЧ ҮГС билээ. УЛАМЖЛАЛАА ДЭЭДЭЛЖ ИРЭЭДҮЙГ БҮТЭЭЦГЭЭЕ!!!

Илтгэлүүдийг үзэх: http://youtube.com/tedxulaanbaatar

Заваан РЕКЛАМ

2011-10-03T01:15:00.002+08:00

Энд тэнд наалгах гэж хэдэн оюутанд цагийн мөнгө төлнө. Тэд нар нь хөөрхий даарч, хөрч хараал урсгана. Наагчидад ээлгүй.
Скоч, жонхуу, цавуугаар хана туурга завааруулна. Хотын соёлд ээлгүй.
Баахан цаас гарзадна. Цааш наах бүрд ойд нэг мод унана. Байгаль орчинд ээлгүй.
Тэглээ гээд хэн ч олж харж уншихгүй. Уншлаа ч сэтгэгдэл төрүүлэхгүй. Харин ч бүүр шал дордуулна. Хэрэглэгчид ээлгүй.
Маргааш нь цэвэрлэгч эгч нар арилгах гэж хуруу хумсаа хугална. Баахан зовно. Цэвэрлэгч эгчид ээлгүй.
Хэрвээ цэвэрлэхгүй бол ингээд заваараад л байсаар л байна. Орчиндоо ч ээлгүй.

Заваан РЕКЛАМАА гэж!!!

Хэрэглэгчээ бөөцийлөх нь

2011-10-01T00:51:00.001+08:00

See the full gallery on Posterous

Өнөөдөр IT Паркийн 302-т Дэвшилтэт медиа маркетингийн талаар яриа хийлээ. barilga.mn нь барилгын компаниудад http://barilga.mn дээр өөрсдийн блогийг хөгжүүлэх боломжийг олгож байгаа юм байна. Жишээ нь иймэрхүү байдлаар: http://khasbold.barilga.mn/

Ер нь бол барилгын салбарын томоохон портал сайт болж чадсан нь харагдаж байна. Тэгээд эднийх харилцагч байгууллагуудынхаа ажилтнуудыг мэдлэгжүүлж интернэт орчныг оновчтойгоор ашиглах талаар цуврал семинар зохион байгуулж байгаа юм байна. Өнөөдөр миний бие семинарт нь оролцож, дэвшилтэт сувгуудыг хэрхэн маркетингд ашиглах талаар болон програмчлалын давуу талуудыг байгууллагын мэдээлэлийн менежментийг сайжруулах, ажилтнуудыг хөгжүүлэхэд хэрхэн ашиглах талаар мэдээлэл хийлээ.

Бидэнд МАРКЕТИНГ хэрэгтэй !!!

2011-09-30T23:56:00.002+08:00

Амьдралыг минь өөрчилсөн "Алтан хоромууд" - 1

2011-09-28T16:00:00.001+08:00

Хүний амьдралд, хүний сэтгэлд, хүний ухаанд нөлөөлсөн хором мөчүүд байдаг гэж сонсож байсан. Бодоод байхад бие хүн бүрэлдэн бий болж төлөвшихөд маш олон хүчин зүйлүүд нөлөөлдөг. Тэр тусмаа хүчтэй нөлөө үзүүлсэн, нуруугаар тог, цахилгаан гүйх шиг болдог тийм нэг мөчүүд байдаг юм байна. Тэдгээр мөчүүдийн тухай бичиж байх болно оо.

"ГЭР БҮЛИЙН ТУХАЙ" хэмээх Нэгэн зүйл

Гэр бүлийн амьдралын талаар өнгөцхөн төсөөлөлтэй, азгүй юм шиг амьдарч байх үедээ, энэ хүний үгийг сонсож толгой дотор минь гэр бүлийн талаарх хувьсгал явагдаж билээ. Миний амьдрал сайхнаар өөрчилөгдөхөд нөлөөлсөн нэг хүн бол яах аргагүй Л.Нарантуяа багш гэж би боддог. Залуус бид гэр бүл, хайрын талаар мухар сохор төсөөлөлтэй яваад л байвал, амьдрал минь азгүй, аз жаргалгүй, хэрүүл, маргаанаар дүүрэн байсаар л байх болно.

Яг үнэндээ бол залуус бидэнд гэр бүлийн талаар хэлж ойлгуулдаг байгууллага, хүн байдаггүй шүү дээ. Тэгээд та бүхнийг энэ лекцийг сонсоорой гэж зөвлөх байна. Гэр бүлийн талаар маш цэгцтэй, бодитой, амьдралтай зүйл хэлж өгдөгт би их баярладаг. Монголд минь аз жаргалтай, амар амгалан гэр бүлүүдийг маш олноор нь бэлдэх зорилготой агуу хүн дээ.

Амьдралын минь өөрчилсөн нэг лекц

Шилдэг блогчид 1'000'000₮ (МОНГОЛ БЛОГЧИД 2011)

2011-09-27T10:31:00.001+08:00

"Монгол блогчид 2011" наадамын шилдэг блогчидыг тодруулах үйл ажиллагаа албан ёсоор эхэлж байна. Зөвхөн http://mongolbloggers.org/ цахим хуудаст бүртгүүлсэн блогууд наадамд өрсөлдөх эрхтэй болох тул, та өнөөдрөөс блогоо бүртгүүлж өрсөлдөж эхлээрэй.

Бид ивээн тэтгэгч байгууллагуудтай хамтран Шилдэгийн шилдэг блогчид 1'000'000₮, номинаци тус бүрийн шилдэг блогчидод 500'000₮ шагнал олгохоор төлөвлөж байна.

Таны блог өөрчлөлтийг авчирна !

МОНГОЛД ҮЙЛДВЭРЛЭВ: Бүх төрлийн арьсан гутал пүүзийг 3 хоногт урлана

2011-09-26T14:03:00.001+08:00

Түмэн Плаза дотор явж байсан чинь, Монголд үйлдвэрлэсэн гутал, пүүз гэсэн тасаг анхаарал татаж орж сонирхлоо. Цэвэр арьс, ширээр хийсэн гутал, пүүзний загвар, хийц, чанар нь маш их таалагдлаа. Ямартай ч монгол залуус юм хийж бүтээж л байгаа юм байна. Жаахан дэмжээд хэрэглэж, эдлээд эхлэвэл манайхан хөгжөөд л явчихна даа. Бахархаж байна. Захиалгаа өгөөд, хүссэн загвараараа хийлгэж болно гэдэг нь бас гоё юм байна.

Монгол хүн Монгол хүнээ дэмжинэ.

See the full gallery on Posterous

МОНГОЛ БЛОГЧИД НААДМЫН ТУХАЙ (Za TV "Монгол блогчид" нэвтрүүлэг)

2011-09-26T12:33:00.002+08:00

За телевизийн "Монгол блогчид" нэвтрүүлэг нь мэдээлэл технологийн ололт амжилтыг хуваалцах, цахим нийгэмд бий болж буй боломжийг таниулах зорилготой юм. The New Media Marketing Agency-н хамт олон уг нэвтрүүлгийг хамтран бэлтгэхээр боллоо. МОНГОЛ БЛОГЧИД http://mongolbloggers.org/ цахим хуудаст бүртгэлтэй блогчидоос шалгаруулж нэвтрүүлэгт зочиноор оролцуулж байх болно.

The New Media Marketing Agency Introduction ENG, МОН (ТАТАЖ АВАХ)

2011-09-25T16:25:00.001+08:00

Бид бүгдийн мөрөөдөл цугларсан газар The New Media Marketing Agency-н залуусын хийж бүтээсэн ажил, удирдлагууд, үнэт зүйл, компанийн соёл, шилдэг мэргэжилтнүүдийн тухай мэдээллийг та бүхэнд хүргэж байна.

The New Media Marketing Agency Танилцуулга The New Media Marketing Agency Introduction

МОНГОЛ БЛОГЧИД (mongolbloggers.org) цахим хуудасны тухай

2011-09-25T15:10:00.001+08:00

Мэдээлэлийн эрин зуунд хамгийн үнэтэй БАЯЛАГ бол мэдлэг, мэдээлэл юм. Цөөн хүмүүс бичиж бусад нь уншдаг байсан цаг ард хоцорчээ. Өнөө үед хүн бүрт хэвлэн нийтлэх, мэдлэг бүтээх боломжийг олгосон хүчирхэг хэрэгсэл бол БЛОГ.

Блог нь цахим нийгэм дэх таны нэрийн хуудас болж өөрийн үзэл бодол, хүсэл мөрөөдлийг илэрхийлэх, мэдээллийг хамтдаа бүтээх, дэлхийн өнцөг булан бүрт байх хэн нэгэнтэй танилцаж хамтран ажиллах, бизнэсээ өргөжүүлэх боломжийг нээж байдаг.

Блог нийтлэгчид нь цахим нийгмийн соёлыг дэлгэрүүлж, иргэний сэтгүүл зүйг хөгжүүлж, мэдлэгийн нийгмийг бүтээж байдагийнхаа хувьд нийгэмд үлгэр дуйраал болохуйц чухал хүмүүс билээ.

Тиймээс бид www.mongolbloggers.org цахим хуудсаар дамжуулан үлгэр жишээ блогуудыг олон нийтэд таниулан үлгэр дууриал болгох, блогчидын нийгмийн хөгжилд оруулж буй хувь нэмрийг үнэлж урамшуулах, монгол блогчидын хамтын ажиллагааг нэмэгдүүлэх зорилгоор жил бүр Монголын шилдэг блогчидын наадмыг зохион байгуулж байна.

www.mongolbloggers.org цахим хуудаст өөрийн блогийг бүртгүүлснээр,

Блогийн үнэ цэнэ, чансааг тодорхойлно.
Блогчидын хамтын ажиллагааны уулзалтанд тогтмол оролцоно
Блогоо бусдад таниулан, идэвхижүүлнэ
Шилдэгийн шилдэг блогчдийг тодруулдаг МОНГОЛ БЛОГЧИД наадамд өрсөлдөх эрхтэй болно.

Ганц ганц дусал нийлж Гадаад их далай болдогийн адил

МОНГОЛ БЛОГЧИД /www.mongolbloggers.org/ цахим хуудасд нэгдэж МОНГОЛ БЛОГЧИДЫН НЭГДЭЛИЙГ БҮТЭЭЦГЭЭЕ.

Блогч та нийгмийн баялагийг бүтээгч.

ХАМГИЙН САЙНААРАА АЖИЛЛАХ УХААН

2011-09-01T16:43:00.001+08:00

Компанийн ҮНЭТ ЗҮЙЛИЙН ӨДӨР. Бид хэрхэн хамгийн сайнаараа ажиллах вэ гэдэг талаар өөрийн үгээ хэлэв.

Хамгийн сайн цахим хуудас ямар байх ёстой вэ (зөвлөмж)

2011-08-30T15:56:00.003+08:00

Хором мөч бүрд өргөжин тэлж буй цахим нийгэмд өөрсдийн нэр хүндийг баталгаажуулах эхний алхам Таны цахим хуудас ямар байх ёстой вэ?

Хэрэглэхэд энгийн бүх зүйл нь ойлгомжтой байх.
Хэрэглэгч төөрөхгүй, олон үйлдэл хийхгүйгээр хэрэгтэй мэдээлэлээ авдаг байх.
Хэт их анимайшн, залхмаар олон баннер сурталчилгаагүй байх.
Гар утас, хөдөлгөөнт төхөөрөмжөөр хандаж болдог байх.
Агуулга сайтай буюу хэрэглэгчидэд хэрэгтэй зөвлөгөө мэдээлэлээр тогтмол шинэчлэгддэг байх.
Хэрэглэгчтэй харилцдаг буюу санал хүсэлт асуулт хариултанд түргэн шуурхай хариулт өгдөг байх.
Тухайн байгууллагын өнгө төрхийг илэрхийлсэн өөрийн гэсэн онцлогтой хүний нүдэнд эвтэйхэн дизайны шийдэлтэй байх.
Онлайн худалдаа, онлайн захиалгын хэсэгтэй байх.
Цахим хуудсыг ашиглах заавар зөвлөгөө, тусламж хэсэгтэй байх.
Хайлтын системд бүртгэгдэж, хайлтанд дээгүүр байрладаг байх.
Олон нийттэй харилцах цахим хуудсуудтай хоршиж ажилладаг байх.
Мэдээлэл шинэчлэхэд хялбар буюу мэдээлэл технологийн мэдлэг шаардахгүйгээр түргэн шуурхай мэдээллийг шинэчлэх боломжтой байх.
Цахим хуудасны хандалт, хэрэглэгчий санал, сэтгэгдэл гэх мэт тайлан мэдээг хянах боломжтой байх.
Тогтмол шинэчлэгдэж хөгжүүлэлт хийх боломжтой байх.

ЭНЕРГИЭР ЦЭНЭГЛЭГДЭН ЭХ ОРНООРОО АЯЛААРАЙ

2011-08-30T15:25:00.001+08:00

See the full gallery on Posterous

NMMAteam-ийн намар бүрийн уламжлалт аялал болж өнгөрлөө. Машины цонхоор эрх чөлөөг мэдрүүлэн үлээх салхиар үсээ сэнстүүлэн давхиж “Ертөнцийн агуй” спорт тоглоомын амралтын газарт ирлээ.

Айдсыг хүчин зүйлээ даван туулж, 8 метрийн өндөрт олсон дээр болжмор шиг сууж, чөлөөт уналт хийж, уулчин аятай хаднаас олсоор буулт хийж үзлээ. Энэ тоглоомуудаар айдас бол тийм ч аймшигтай зүйл биш, харин хүн өөрийнхөө төсөөллөөр л улам аймшигтай болгож байдаг тархин доторхи төсөөлөл төдий гэдгийг улам баталгаажууллаа. Яагаад гэвэл энэ үнэхээр аймаар, яанаа, унаад үхчихгүй байгаа даа, унавал аймшигтай байх даа гэсэн төсөөлөл хөлийг минь тушиж, биеийг царцааж байсан хэдий ч, ямартай ч хийгээд үзье, туршаад үзье, даваад үзье гэсэн итгэл бий болсоны дараа айдас замхран алга болж илүү эрч хүч бий болж байлаа.

Оройны галын наадам, түүдэг галын дэргэд одтой тэнгэрийг ширтэн хэн ч хараагүй мэт эрх чөлөөг мэдрэн бүжих үнэхээр төгс төгөлдөр ажээ. Ийм гайхалтай мөчүүдэд цаг хугацаа зогсож, амьдралд илүү дурлах, амьдралаа илүү хайрлах тийм мэдрэмжийг төрүүлдэг. Ийм мөчүүдийг би амьдралын алтан хором гэж нэрлэдэг.

Зүлгэн дээгүүр зүгээр л нэг хөл нүцгэн гүйгээд, дураараа хашгираад, ертөнцийн хязгаарт ирсэн юм шиг л тоглож наадлаа. Хүүхэд нас санаанд ороод, өглөө шүүдрээр хөлөө угаан гүйж, үхрийн халуун баасан дээр хөлөө дулаацуулж, хөлийн салаандаа таанын цагаан цэцгийг хавчуулж чимдэгсэн. Шүүдрийн дуслаар хөлөө угааж анхны цаснаар хөл нүцгэн гүйж эх дэлхийтэйгээ ойр амьдарсаных эрүүл чийрэг амьдарч яваа ч юм билүү?

Өвөө, эмээ, ээж, аавын хэлдэгээр хүн байгальтай ойр байснаар энерги, эрч хүч авдаг гэснийг дахин дахин баталж БАЙГАЛЬ ЭЭЖИЙНХЭЭ ХЭВЛИЙГЭЭС дахин дахин төрөөд ирлээ. Хөдөө ирээгүй ямар их удаав дээ.

Сэлэнгийн энгүй их тариан талбайд хараа билчээн, Хараа холын хэвлийд сэлж, эрэг дээр нь тууцалдаж байгаад ирлээ. Эх орондоо амар тайван амьдрах сайхан юм аа.

Хамгийн гоё хэсэг нь мешокоо дэлгээд уулын бэлд тэнгэрийн доор унтсан нь байлаа. Өглөөн нар сормуусыг чинь шүргээд, шумуулын шунгинаараар нойрноос сэрээд алсын уулсын оройг ширтэж, морь тургилахыг сонслоо.

Хөл нүцгэн хээрийн эрүүл хөрс, ус, агаар дундуур туучсан аялал. Ямартай ч энэ өвөл ханиуд хүрэхгүй, өвдөхгүй гэдэгт итгэлтэй байна. Байгаль ээжтэйгээ уулзаж, айдсын хүчин зүйлээ даван туулсан аялалаа өндөрлөе.

Эх орноо танин мэдэж, байгаль ээжтэйгээ хамт аялаарай, Найзуудаа!

Зураг үзэх

БИ МОНГОЛ ХҮН

2011-08-29T16:22:00.001+08:00

МОНГОЛ ХҮН МИНИЙ

Уудаг ундаа VITABIT

Ундаалдаг цай нь IKH TAIGA

Сүүлдэг сүү нь CYY

Сордог жимс нь SHAR DOCTOR

Анагаах эм нь MONOS

Хачирлах ногоо нь BAGRO

Долоодог зайрмаг нь ICE MARK

Иддэг шоколад нь GOLDEN GOBI

Шимдэг пиво нь BORGIO

Зуурдаг гурил нь ALTAN TARIA

Зүсдэг талх нь MISHEEL

Баярын ширээндээ JUR UR

Барьдаг зоог нь NUUDEL

Тулгадаг дарс нь BENEDAKT

Үдэлж амардаг нь MODERN NOMADS

Аялаж тухладаг нь MONGOLIAN SECRET HISTORY

Гангардаг жийнс нь URBAN

Дотуур хувцас нь GURVAN BILEG (GB)

Өмсдөг брэнд нь ALTAI CASHMERE

Хөлний оймс нь YANMAL

Гоёдог энгэсэг нь MANDUKHAI KHATAN

Тоглодог хуур нь EGSHIGLEN

Товшдог компьютер нь MOGUL

Дэвсдэг хивс нь ERDENET

Үйлчлүүлдэг банк нь XACBANK

Маркетингаа хийлгэх нь NMMAteam

Хүнээ хөгжүүлүүлдэг нь YARUUSETGEGCH

Шүтдэг тамирчин нь MUNGUNTUUL

Сонсдог хамтлаг нь ALTANURAG

Билээ.

БИ МОНГОЛ ХҮН

Би Монгол хүнээ дэмждэг МОНГОЛ ХҮН

Би Монгол бүтээгдэхүүнээ хэрэглэдэг МОНГОЛ ХҮН

Зургийн эх сурвалж: http://www.flickr.com/photos/tamir_glz/

Нарийн ногооны “ЭХ ОРОН” Улаанбаатарт

2011-08-27T23:40:00.001+08:00

See the full gallery on Posterous

Өчигдөр орой 3, 4-р хорооллын Смарт худалдааны төвийн урд задгай талбайд байрлах хүнсний ногооны худалдаагаар орлоо. Эх нутгийн хөрсөнд ургасан шинэ ургацийн бүх төрлийн хүнсний ногоо дүүрэн байна. Нарийн ногооны эх орон гэгдэх Сэлэнгэ аймгийн Шаамар сумын 50 айл хамтаар ирсэн гэнэ. Энэ жил хур бороо элбэгтэй, тариа ногооны гарц сайн байсан тухай ногоочид ам булаалдан ярьна. Шаамар сум нь мөн зөгийн балаараа алдартай юм байна. Зөгийн балын найрлагатай эрүүл мэндийн бүтээгдэхүүнүүд мөн худалдаалж байсан. Эндээс зөгийн бал, даршилсан ногоо, бүх төрлийн нарийн ногоог хямд үнээр худалдан авах боломжтой байгаа нь таалагдлаа. Яриа хөөрөө элбэгтэй, энгийн сайхан зантай ногоочидтой яриа үүсгэнгээ худалдаа наймаа хийлээ. Ямартай ч 10 сар хүртэл орж гарна аа, Хөө.

Уг худалдаа нь 10 сар хүртэл гарч байгаа бөгөөд өдөр бүр 20:00 цаг хүртэл ажиллах юм байна.

Үргэлжлэл

2011-07-31T14:39:00.001+08:00

Цэцгэн дундуур хөөцөлдөх хосыг харахуйяа

Цэнхэр үүлс согтуурхан тууцалдан одно

Дэргэдэх цэцэгс ичингүйрэн өндөлзөхүйеэ

Балт зөгий бухимдан тоосруулан үргэнэ

Тоосны ширхэгт цэцгийн дэлбээ янаглахуйяа

Тоост хорвоог гэрэлтүүлэх бяцхан үр соёолно

Хосын жаргалтай инээд зүрхийг хөглөхүйеэ

Харанхуй хорвоог гэгээрүүлэх нэгэн үр бүрэлдэнэ.

Зургийн эх сурвалж:
Зураач В.Ундраагийн "Үргэлжлэл" бүтээл

Час улаан сарнайн дэлбээ дэлгэрэхэд

2011-07-31T13:47:00.001+08:00

Час улаан сарнайн дэлбээ ДЭЛГЭРЭХЭД

Час улаан сарнайн ДЭЛБЭЭ

Час улаан САРНАЙ

Час УЛААН

ЧАС ...

МОНГОЛ БЛОГЧИД 2011 наадамд БЛОГОО СОЙЖ ЭХЛЭХ боломжтой боллоо mongol bloggers

2011-07-15T14:24:00.001+08:00

The New Media Marketing Agency компанийн санаачилгаар "Монгол блогчид- 2010" наадмыг 2010 оны 12-р сарын 3-нд зохион байгуулж байсан билээ. Наадмын нэг зорилго бол монголын блогчдын нийгмийн хөгжилд оруулж буй хувь нэмрийг таниулан сурталчилж, шилдэг блогчдыг тодруулах үйл ажиллагаа байдаг билээ. Шилдэг блогийг тодруулах үйл ажиллагааг шудрага ил тод явуулахыг бид эрмэлзсээр ирсэн. Тиймээс энэ жилийн шаргаруулалтыг бид одооноос эхлэж, блогийн ретингийг тогтоодог олон цахим системүүдийг ашиглаж таны блогийн оноог дүгнэж эхлэлээ.

Та блогийнхоо ретингийг тогтоохын тулд https://launchpad.newmediamarketingagency.com хуудаст бүртгүүлж, МОНГОЛ БЛОГЧИД хэсэгт өөрийн блогийг нэмэхэд л хангалттай юм. Мөн та код хуулаад өөрийн блогийг ретингийг блог дээрээсээ шууд харж болно /миний блогийн баруун доод өнцөгт байгаа шиг/

Ингээд та өөрийн блогийнхоо үнэ цэнийг өдөр бүр мэдэрж, оноо, байрыг нь хялбараар тодорхойлж, монголын блогуудтай уяа сойлгийг нь тааруулж уралдуулах л үлдлээ дээ. Уяач хүн наадмын маргааш хүлгийнхээ уяа сойлгийг тааруулдаг шиг 2011 оны 12 сарын 3-нд МОНГОЛ БЛОГЧИД- 2011 наадамдаа блогийнхоо уяа сойлгийг өнөөдрөөс тааруулж эхлэцгээе!

Хөргөгчөө Үндэсний үйлдвэрлэлийн бүтээгдэхүүнээр дүүргэх нь миний нэг аз жаргал

2011-07-01T18:15:00.001+08:00

See the full gallery on Posterous

Манай гэрийн хөргөгч. Өчигдөр хөргөгчөө дүүргэлээ. "Зөвхөн үндэсний үйлдвэрлэлийн бүтээгдэхүүнээ хэрэглэх" энэ миний хэрэглээний зарчим. Үндэсний үйлдвэрлэлийн бүтээгдэхүүнүүд сайхан харагдаж байна. Улам бүр л сайжраад байна даа.

ХҮН ТӨВТЭЙ БИЗНЕС

2011-06-24T17:24:00.001+08:00

See the full gallery on Posterous

Бизнес буюу хүний хэрэгцээг ухаалагаар хангах урлаг нь улам бүр боловсронгуй болж хөгжсөөр. Хэн нөөцийг зөв удирдаж, чиглүүлж чадсан нь баялагийг эзэмшидэг. Дундад зуунд газрын эзэд хамгийн баян хүмүүс байсан бол 19-р зуун буюу Үйлдвэржилтийн зуунд үйлдвэрийн эзэд баялагийг эзэмшиж байв. Харин 20-р зуунд худалдаа эрхлэгчид нилээдгүй баялагийг эзэмшиж чадсан бол мэдээллийн зуун болох 21-р зуунд мэдлэгт суурилсан бизнесүүд хамгийн их амжилтанд хүрч байна. Капитал нь юу байснаас хамаараад тухайн бизнесийн ажилтан хүний үнэлэмж нь өөр өөр байв. Дундад зууны үед бол ажилтан хүн үхэрнээс илүү үнэлэгддэггүй газар хагалагч амьтан байсан бол 19-р зуунд үйлдвэрийн машинуудын эргэ шурга төдийд үзэж байлаа. 20-р зуун бол ажилтанг нэг тогтсон хэв загвар, дүрэм журмаар хэвлэн цутгаж, ташуур гамбир хоёроор илжиг мэт зүтгүүлж байв. Энэ философи одоо ч хэвээрээ үргэлжилсээр байна.

Тэгвэл өнөөдөр мэдлэгт суурилсан эдийн засагтай, оюун ухаант хүнд суурилсан цоо шинэ бизнесийн эрин эхлээд байна. Жишээлбэл, Билл Гейтс тооцоолох, мэдээлэл боловсруулалтын үйлдлийн системийг бүтээж байна. Тэр амжилтанд хүрсэн. Google асар хурдтай нэмэгдэж буй мэдээллийн агуулгаас хэрэгтэй мэдээлэлээ хурдан хугацаанд хайж олох хэрэгцээ шаардлага гарч ирнэ гэдгийг мэдсэн. Тэд бас амжилтанд хүрсэн. Fасеbооk хил хязгаар, хэл ус харгалзахгүйгээр танилцаж, мэдээлэл солилцох, хамтран ажиллах боломжийг бий болгосоноор мөн л амжилтанд хүрлээ. Apple хүний оюун ухаан, сэтгэлгээний ур шингэсэн содон шинэ бүтээлүүдээрээ амжилт олж байна. Өнөөдөр толгой эргэм амжилтаараа залуу тэрбумтанууд дэлхийд цахиур хагалж уламжлалт бизнесийн аргаар 30- 40 жилд бий болгох баялагийг 3- 4 жилд бий болгож чадаж байна. Үйлдвэрлэлийн технологи улам бүр нарийсаж хүний оюун ухаанаар бүтсэн хүчирхэг технологиуд хүний хөдөлмөрийг хөнгөвчилснөөр “ХҮН”-д сэтгэх ажлыг л үлдээж байна. Цөөхөн тооны чадварлаг инженерээр удирдуулсан асар том үйлдвэрүүд, алсын зайн эмчилгээ оношилгоо, хил хязгаараас үл хамаарах хамтын ажиллагаа, хэл, үндэстэн ялгахгүй нэг харилцаа, өндөр технологид суурилсан бизнесүүд, нанотехнологи, биотехнологи, хэт өндөр чанартай бүтээгдэхүүний үйлдвэрлэл нь ойрын ирээдүйн хөгжлийн дүр зураг юм.

Хүн төрөлхтний амьдрал, оюун санааны хөгжил цоо шинэ шатанд дэвшиж хүн бүр илүү оюунлаг, амар амгалан амьдралыг хүсэн мөрөөдөж, хүн өөрийн амьдралын утга учир, авъяас чадварыг танин мэдэх их эрэлд гараад байна. Хүний хөгжил, өөрийгөө танин мэдэх номнууд дэлхийн хамгийн их борлуулалттай номнууд болж байгаа нь үүнтэй холбоотой. Хүн бүрт тэгш мэдээлэлжих боломж бүрдсэнээр хүн илүү их хүсэл тэмүүлэлтэй болж, өнөө маргаашаа бодож амьдрах уйтгарт хэв маягаас улам бүр татгалзах хандлага бий болоод байна. Тэгвэл сэтгэлгээний хувьд хөгжиж буй, хөгжөөгүй ч гэсэн мэдээлэлжсэн ажилтануудыг тогтоон барьж удирдах асуудал нь бизнесийн байгууллагуудыг цоо шинэ философийг эрэлхийлэхэд хүргэлээ. Энэ цаг үед хүнийг “Ташуур Гамбир”-ын аргаар хамгийн сайн ажиллуулж, зөвхөн цалин урамшууллаар тогтоон бариж чадахгүй болоод байна. Ихэнхи бизнесийн байгууллагууд ашиг орлогоо нэгдүгээрт тавьж хүнийг больж, сольж болдог хэрэгсэл мэтээр хандаж байна.

Тэгвэл өнөөдөр “ХҮН ӨӨРӨӨ БАЯЛАГ” гэдгийг шинэ зууны бизнесийн байгууллагууд ухаарах цаг болжээ. Хүнээ жинхэнэ утгаар нь баялаг болгож чадсан компаниуд амжилтын оргилд хүрч байна.
Хүнээ төв болгоно гэдэг нь ажилтан бүрийн авъяас чадварыг нээн илрүүлж, ажилтан хөгжих таатай орчинг бүрдүүлж, ажилтанаа тогтмол сурган хөгжүүлж, хүсэл тэмүүллээр нь удирдахаас бүх зүйл эхлэж байна.
Та өнөөдөр мөнгө олохын төлөө амьдралаа зориулдаг мөнгөний боол амьтан болох биш, мөнгө бол өөрийнхөө хүсэл мөрөөдөлд, хамгийн сайн хийж чаддаг зүйлээ сэтгэл хангалуунаар хийх явцад таны хүсэл тэмүүллийн шагнал болж ирдэг зүйл гэдгийг ойлгуулахаас эхлэж байна.
Ажилтан бүрээ судалж, тэдгээрийн хүсэл сонирхол, сэтгэл зүй, хувь хүний дахин давтагдашгүй онцлогт тохирсон хөгжүүлэх, сэдэлжүүлэх урт хугацааны хөтөлбөр хэрэгжүүлэх нь шинэ зууны бизнесийн амжилт юм. Хүнийг судалж, тодорхойлж, идэвхижүүж сэдэлжүүлдэг арга технологиуд хүртэл нарийсч бие хүний сэтгэц, үзэл санаа, бие физилогийн нарийвчилсан судалгаанд суурилсан ул суурьтай сэдэлжүүлэх технологиуд нь үр дүнгээ өгсөөр байна.

Танай байгууллагын хөрөнгө, өндөр байшин, гоё компьютерээс илүү ажилтан тань илүү үнэ цэнэтэй баялаг гэдгийг ойлгож, баялагаа хөөж явуулж, үзэн ядаж, хавчиж шахах биш, харин ч судалж, сургаж хөгжүүлж, арчилж дордож, дотор нь байгаа авъяас чадварыг нь нээж, боломж олгож чадвал бүхнийг сайхан болгож чадах шидтэн хажууд чинь сууж байна даа.
Өчигдөр та ажилтнаа нухчин дарж, ажилтнаасаа мэдлэг, чадвараа харамлаж, ажилтнаа өөртэй чинь өрсөлдөхүйц мэдлэг чадвартай болохоос үхтлээ айдаг байсан бол харин өнөөдөр ажилтнаа илүү их хөгжүүлж, ажилтандаа боломж олгож, өөрөөсөө илүү чадвартай болохыг дэмжиж хамтдаа мөрөөдөлдөө хүрэх цаг ирлээ.

ХҮН – БАЯЛАГ
ХҮН- ТӨВтэй бизнес

МОНГОЛЫН ЗАЛУУС НОМОНД ДУГААРЛАЖ БАЙНА

2011-06-11T20:24:00.001+08:00

Иргэдийг мэдээллэлжүүлж, хөгжүүлж байх үүрэгтэй нийтийн номын сан шинэ менежмент, шинэ технологиор ажиллах цаг ирсээн.

Зарлиг хүмүүнлэгийн хөдөлгөөний талаар P3 радиод тайлбар өглөө

2011-06-09T13:11:00.001+08:00

Залуусын боловсрол хөгжлийг тогтмол дэмжиж ажилладаг Р3 радиод зочиноор уригдаж саяхан зохион байгуулсан "Цахим нийгэм дэхь бидний орон зай" лекцийн талаар болон ЗАРЛИГ хүмүүнлэгийн хөдөлгөөний талаар тайлбар хийлээ. Хөдөлгөөн гэхээр жагсаал цуглаан, уур бухимдал, буу шийдэм гэж битгий ойлгоорой. 3 минутад блогтоо баннер байрлуулж ХҮҮХДИЙН ЭМНЭЛЭГ хэрхэн босгох тухай гарц- боломжийн тухай юм шүү. Нэгдээрэй.

Zarlig_Humanitarian_Movement_-TSAHIM_ERTUNTS_DEHI_BOLOMJ-_Luvsandorj_11.06.07.mp3 Listen on Posterous

БЭТЭГЧИН

2011-06-08T16:29:00.001+08:00

Урд байрны цонх. Нэг ах тагт дээрээ орчиноо ажиглан тамхи татна. Тамхиа татаад дуусах шиг боллоо. Ийш тийшээ хүн харсанаа ишээ шидэж байна. Тэр ишээ гадаа хаяж байна гэж бодож байх шиг байна. Гэхдээ энэ ч бас өөрийнх нь амьдарч байгаа орчин, оршин байгаа гэр орон нь гэдгийг ухаарахгүй байгаа бололтой. Тэр дөнгөж сая амьдарч буй орчиноо хог болгож байна.

Хөөрхий хүмүүс оромжоо цэвэрлэж, хогоо хаялана. Таны гэрийн гадаа ч гэсэн таны гэр байдаг гэдгийг ухамсарлахгүй, босгоноосоо цааш сэтгэхгүй, ахархан хараатай байх гэж дээ.

Хэрвээ хэн ч хог хаяхгүй бол хог гэж байхгүй байх байсан. Хог бүр эзэнтэй байдаг. Айл бүр үүднийхээ хогийг цэвэрлэчихвэл ГУДАМЖ ТЭР ЧИГЭЭРЭЭ ЦЭВЭРХЭН БОЛНО.

Хүн бүр өөрийнхөө амьдралыг аваад явчих АРЧААТАЙ БОЛЧИХВОЛ УЛС ОРОН АМАР АМГАЛАН, ядуурал зовлонгүй болно. Хүн бүрийн амьдрал нийлээд улс орны амьдрал болно.

НОГООН ДЭЛХИЙ ТАНЫ ГЭР ОРОН

Блогч таны зориулсан 3 минутаар ХҮҮХДИЙН ЭМНЭЛЭГ БҮТЭЭН БОСГОНО

2011-06-07T20:05:00.002+08:00

The New Media Marketing Agency хамт олон бизнес шийдэл боловсруулахаас гадна шинэ тутам хөгжиж буй мэдээлэл харилцааны хэрэгцээ шаардлагыг хангахуйц өөрсдийн бүтээлүүдээ танилцуулахаар бэлтгэж байна. Бидний хамгийн түрүүнд олон нийтэд хүргэж байгаа бүтээл бол ЗАРЛИГ- ХҮМҮҮНЛЭГИЙН ХӨДӨЛГӨӨН билээ.

Яагаад ЗАРЛИГ хөдөлгөөнийг ЭХлүүлсэн бэ?
1. Монголд өдөр бүр л ямар нэг хүүхэд монголдоо эмчлэх боломжгүй өвчин тусаад хандив тусламж гуйсан өрөвдөлтэй дүр зураг харагддаг.
2. Судалгаагаар манай улсаас жилд 130-200 тэрбум төгрөг гадаадад эмчлүүлэх зорилгоор гадагшаа урсдаг гэсэн тооцоо байдаг. Голдуу Бээжин, Хөх хот, Америк, Солонгос, арай боломжтой нь Япон руу явж эмчлүүлдэг.
3. Би нэг хүүхдэд хандив өргөнө, 2 удаа өргөнө. Гэхдээ өдөр бүр хандив өргөж чадахгүй. Тэгээд ч бидний өргөсөн хандив асуудлыг шийдэж чадахгүй, 10 жилийн дараа ч эмчилэгдэхгзй боломжгүй хүүхдүүд хандив гуйсаар байх болно. Хогийн ургамалын ишийг мянгантаа таславч дахин ургахын адил асуудлыг үндсээр нь шийдвэрлэхийн тулд бид яах ёстой вэ. Би тэр хүүхдүүдийг эмчлэх эмнэлэгийг барих ёстой.

ЗАРЛИГт хэрхэн НЭГДЭХ вэ?
3 минут л хангалттай, Зарлиг хөдөлгөөний баннерийг өөрийн блогтоо нэг удаа л хуулж тавьна. Эхлээд http://launchpad.newmediamarketingagency.com/-д бүртгүүлнэ. Бүртгүүлсний дараа доорх зааврыг (видео 2) ашиглана.

Яагаад ЗАРЛИГ гэж НЭРлэсэн бэ?
Монголчууд бид нэгдэж нягтарч, ойлголцсон үедээ илүү хүчирхэг байдаг. Манжийн үед "Гурван монгол нийлвэл цэрэг болно" гэсэн хэлц үг үүсэж монголчуудыг аль болох хагалан бутаргах бодлого барьж олон аймаг хошуудад хувааж, албан тушаал, отго жинс, тогосны өдний ялгаагаар хооронд алалцуулж байв. Тэгвэл өнөөдөр бид цахим орон зайд өөрсдийн эв нэгдлийг илэрхийлж монгол хүнийхээ санаачилгыг дэмжиж чадсанаар нэг ч болтугай асуудлыг шийдвэрлэж чадах юм. Энэ бол бидэнд ирж буй эв нэгдлийн ЗАРЛИГ юм.

ЗАРЛИГийн нэгдэл ямар ҮР дүнд хүрэх вэ?
Хөдөлгөөнд нэгдсэн блогч таны блог дахь баннер захиалагчийн хүсэлтээр тодорхой хугацаанд шинэчлэгдэнэ. Шинэчлэгдэх бүрт Зарлиг хөдөлгөөний санд мөнгөн хуримтлал бий болох юм. Бидний төлөвлөгөөгөөр 2015 он гэхэд монголд эмчлэгддэггүй өвчнийг эмчлэх боломжтой хүүхдийн эмнэлэг байгуулах хэмжээний хуримтлал бий болох юм. Тухайн хуримтлалаар Хүүхдийн эмнэлэг байгуулж, хүндэтгэлийн хананд хөдөлгөөнд нэгдсэн блогч бүрийн нэр бичигдэх юм. Ингээд монгол хүүхдүүдийн тодорхой хэсэг нь эх орондоо эмчлэгдэх юм. Магадгүй таны хүүхэд ч байж магадгүй шүү дээ.

Хүний сэтгэл, оюун ухаан гэдэг гайхалтай.
Блогч таны зориулсан 3 минут эмнэлэг бүтээн босгож чадна.

Facebook цахим хуудсыг оновчтой ашиглах заавар

2011-06-06T11:23:00.003+08:00

600.000.000 гишүүнтэй facebook хэмээх цахим улс гүрний гишүүн болж өөрийгөө болон байгууллагынхаа мэдээ мэдээллийг хуваалцаж өөрсдийн орон зайг бий болгохын тулд хийх эхний алхамын тухай үгүүлэв.
Хэрэглэгчийн данс үүсгэх, хуудас нээх, хуудсыг хөгжүүлэх, фасевоок, твиттерийг холбох тухай.
ting

The New Media Marketing Agency 1 ЖИЛИЙН ХУГАЦААНД ЮУ ХИЙЖ БҮТЭЭВ ЦААШИД ЮУ ХИЙЖ БҮТЭЭХ ВЭ

2011-06-04T20:19:00.001+08:00

See the full gallery on Posterous

Нэг жилийн хугацаанд хийж бүтээсэн ажлуудаа гэр бүл найз нөхөд, хамтран ажиллагсаддаа тайлагнаж цаашдын хамтын ажиллагаагаа баталгаажуулсан бидний ойн баяр амжилттай сайхан боллоо.

БИДНИЙ ТУХАЙ

The New Media Marketing Agency компани нь монголын мэдээлэл технологи болон маркетингийн хөгжлийг шинэ түвшинд хүргэж дэвшилтэт медиа маркетингийн салбарт дэлхийд өрсөлдөх зорилго тавин 2010 оны 6-р сарын 2-нд 4 хүний бүрэлдэхүүнтэй байгуулагдсан билээ. Одоогоор Удирдлагын зөвлөлийн баг, Маркетингийн газар, Технологийн газар, Дизайны газар гэсэн бүтэц зохион байгуулалттай 30 хүний бүрэлдэхүүнтэй ажиллаж байна. Бид байгууллагынхаа мэдээлэл болон удирдлагын менежментийг хялбарчилан оновчилж өөрсдийн зохиосон төслийн удирдлагын програм болон онлайн офиссыг бүрэн нэвтрүүлэн ажиллаж байна.

Компанийн удирдлагын зөвлөлийн багт Амартайваны Мэнд-Орших, "Наран" группын СЕО, Харвардийн их сургуулийн магистр Балхаажавын Бүүвэй, мөн "Тэнгэр" санхүүгийн нэгдлийн Дэд ерөнхийлөгч, Харвардийн их сургуулийн магистр Ханибалын Амартүвшин, “Mongolia International Capital Corporation”-ийн ерөнхийлөгч Дарамбазарын Ачит-Эрдэнэ, Хотын нийтийн төв номын сангийн Мэдээлэл технологийн хэлтсийн дарга Жамсранжавын Бэгзсүрэн, Энхтайваны корпусын сайн дурын ажилтан Travis Hellstrom нар ажилладаг.

Байгуулагдсан цагаасаа хойш гадаад дотоодын нэр хүндтэй байгууллага, хувь хүмүүсийн захиалгын дагуу тэдгээрийн онцлогт тохирсон мэдээллийн технологи, маркетинг, дизайны цогц шийдлийг боловсруулан хамтран ажиллаж байна. Үүнд, Монгол Улсын Ерөнхий сайд С.Батболд, Сангийн дэд сайд Ч.Ганхуяг, Эдийн засагч Д.Жаргалсайхан, “Мандухай Хатан” компани, “Акума Эрин” компани, “Тэнгэр санхүүгийн нэгдэл” компани, “Монголын Нууц Товчоо” компани, “i-concept” компани, Монголын Эдийн Засгийн Чуулган ТББ, GLOBAL DIGNITY хөдөлгөөн, Монголын Оюутаны Холбоо зэрэг нэр хүнд бүхий байгууллага, хувь хүмүүс юм.

Хором мөч бүрд өргөжин тэлж буй интернэт хэрэглээний өсөлттэй уялдан дэлхийн тэргүүлэгч компаниуд маркетингийн бодлоготоо дэвшилтэт медиа маркетингийг оновчтойгоор ашиглаж байна. Дэвшилтэт медиа маркетинг нь хамгийн бага зардлаар брэнд, бүтээгдэхүүн, үйлчилгээгээ зорилтот зах зээлд, маркетингийн зардлын өгөөжийг хэмжих боломжтойгоор хүргэдэг шинэ үеийн арга юм. Дэлхийн зах зээлд бүтээгдэхүүн үйлчилгээгээ худалдаалах нь жижиг компаниудын хувьд биелэх боломжгүй зүйл байсан бол одоо бид энэ ойлголтыг халж, “хүн бүр экспортлогч” гэсэн уриан доор жижиг дунд бизнес эрхлэгч нар болон компаниудын гадаад зах зээлд хийх маркетингийн кампанит ажлууд дээр төвлөрч ажиллаж байна.

КОМПАНИЙН СОЁЛ

“Хүн төвтэй бизнес” энэ бол бидний уриа. Бизнесийн ашиг орлогоос илүүтэйгээр харилцагч, үйлчлүүлэгчид, ажилтануудаа нэн тэргүүнд тавьж тэдний хөгжих таатай орчинг бүрдүүлж, салбартаа тэргүүлэгч чадварлаг ажилтан нь хамт олны амжилт гэсэн зарчимаар бид ажилладаг. Тиймээс ажлын орчин нь хүн өөрийнхөөрөө чөлөөтэй сэтгэж хийж бүтээх, сэдэлжүүлэх боломжийг бүрдүүлсэн байх ёстой гэж бид үздэг. Ажлын нарийн цагт баригдаж, өдөр бүр ажлын байранд ирэхгүйгээр хүссэн орчин нөхцөлдөө ажиллаж, ажлын гүйцэтгэлээ ажлын байранд байх цагаар хэмжүүлэх бус, ажлын гүйцэтгэлийн хугацаа болон чанараар дүгнүүлэх боломжийг ажилтнууддаа олгодог. Ажилтануудын амралт чөлөөт цагийг идэвхитэй өнгөрүүлэх, ажил дээрээ чөлөөтэй амрах, тоглох, олон нийтийн мэдээ мэдээллийн цахим хуудсуудаар зочилж найз нөхөдтэйгээ харилцах, өөрийн үзэл бодол, хүсэл мөрөөдлийн дагуу блог хөтлөхийг дэмждэг.

Бид бүгдээр санаачлагч байж нэгнийхээ санал, санаачлагыг дэмжиж, бусдынхаа ур чадвараас тогтмол суралцаж, ажиллах бүтээн туурвих орчиноо өөрсдийн мөрөөдлөөр бүтээж тасралтгүй хөгжин дэвших компанийнхаа соёлыг хамтдаа бий болгохоор чармайн ажиллаж байна.

НИЙГМИЙН ХАРИУЦЛАГА

Бид нийгмийн хариуцлагаа ухамсарлаж хүмүүнлэгийн салбарт ашгийн бус үйл ажиллагаа явуулдаг байгууллагууд болох Nomadic care ТББ, Blue sky education project, Mongolia Institute of Outdoor Learning байгууллага, Аdvance humanity зэрэг байгууллагуудыг дэмжиж цахим хуудсуудыг үнэ төлбөргүйгээр хийж гүйцэтгэсэн юм.

Үүнээс гадна залуусын боловсролыг дэмжсэн, нийгмийн сайн сайхны төлөө “Монгол блогчид-2010” наадам, “Мандухай Хатан Ээжүүд” гэр бүлийн боловсролыг дэмжих хүмүүнлэгийн аян, "Мандухай хатны үрс" аянг санаачлан зохион байгуулж, Нэр төрөө эрхэмлэх дэлхийн өдөр, "UBTwestival-2011" арга хэмжээг хамтран зохион байгууллаа. Мөн 2011 оны 8 сард Дэлхий даяар шинэ санааг түгээгч TED арга хэмжээний бүсчилсэн хөтөлбөр болох "TEDxUlaanbaatar" арга хэмжээг “Уламжлалаа дээдэлж ирээдүйг бүтээцгээе” уриан доор зохион байгуулахаар бэлтгэл ажилдаа ороод байна. Бид өөрсдийн нийгмийн хариуцлага болгож ЗАРЛИГ - Хүмүүнлэгийн хөдөлгөөнийг эхлүүлж блог бичдэг хүн бүр эх орныхоо хөгжилд өөрийн хувь нэмэр оруулах боломжийг олгосон билээ.

БИЗНЕС ШИЙДЛҮҮД

Хүн төрөлхтний харилцаа холбоо, хэвлэл мэдээллийн сувагуудад эрс шинэ дэвшилүүд гарснаар интернэтэд суурилсан цахим нийгэм улам бүр хүрээгээ тэлсээр байна. Тиймээс онлайн орчны хэрэглэгчидтэй зардал багатайгаар түргэн шуурхай харилцах, реклам сурталчилгаагаар залхаахгүйгээр хүссэн үед нь хүссэн мэдээлэлээр хангаж, үнэнч тууштай хэрэглэгчийг төлөвшүүлэхэд чиглэсэн үр дүнтэй ажлуудыг хэрэгжүүлэх нь шинэ үеийн захиалга болоод байна.

Бид таныг мэдээллийн эрин зууны шинэ ололт, дэвшилттэй хөл нийлүүлж Хувь хүний брэнджүүлэлтийн цогц шийдэл, Жижиг дунд бизнес эрхлэгчдийн цогц шийдэл, Компанийн цогц шийдэл, Корпорацийн цогц шийдэл гэсэн төрлүүдээр бизнесийн шийдлийг боловсруулан хамтран ажиллаж байна.

БҮТЭЭГДЭХҮҮН

Бид монгол хүний оюун санаагаар бүтсэн шинэ шийдэл бүхий интернетд суурилсан бизнесийг идэвхижүүлэн хөгжүүлэхэд зориулагдсан цогц бүтээгдэхүүнүүдийн нэгдэлийг бүтээж байна. Үүнд,

Зарлиг - Хүмүүнлэгийн хөдөлгөөн, Ханлиг - Бизнесийн цахим хуралдай, Гэрэгэ - Сошил Медиа маркетинг, Голомт - Бизнесийг мандан бадраагч, Соён - Цахим мэдлэгийн өргөө, Хишиг - Өдөр бүр үнэ цэнэтэй, Буухиа - Худалдан авалтын хувьсгал зэрэг агуулга, зорилгын хувьд дахин давтагдашгүй боломжийг олгосон бүтээгдэхүүнүүдээ тун удахгүй та бүхэнд хүргэх болно.

ТАНЫ САНААЧЛАГЫГ ДЭМЖИХ БИДНИЙ ШИЙДЭЛ

The New Media Marketing Agency компани нь таны санаачилга, хүсэл мөрөөдлийг дэмжиж бодит ажил хэрэг болгох зорилгоор дараах шийдлүүдийг санал болгож байгаа билээ.

The New Media Venture Capital: Мэдээлэл технологийн салбарт таны санаачилсан бизнес төслүүдэд хөрөнгө оруулалт хийж, менежмент, маркетингийн бодлогоор дэмжиж, эцсийн үр дүнд хүртэл нь хамтарч ажиллах юм.

The New Media Open University: Интернэтэд суурилан нээлттэй боловсрол олгох хэлбэр нь боловсролын ирээдүйн чиг хандлага юм. Иймээс бид програм хангамж, дэвшилтэт медиа маркетингийн боловсролыг хүссэн хүн бүрт хүссэн газраасаа, хүссэн цагтаа суралцах боломжийг бий болгож дэлхийд өрсөлдөхүйц чадварлаг мэргэжилтэн бэлтгэх бодлого барин ажиллаж байна.

The New Media Creative Studio: График, дизайны салбарт шинэ өнгө төрхийг бий болгож, таны хүссэн график, дизайны шийдлийг бүтээхээр ажиллаж байна.

The New Media Foundation: Нийгмийн сайн сайхны төлөө олон талт үйл ажиллагааг санхүүжүүлэх зорилгоор байгуулагдаж байна.

ХАМТЫН АЖИЛЛАГАА

Улам бүр хавтгайрч буй дэлхий дээр компаниуд бүх зүйлийг дангаараа хийх боломжгүй болж бусад компаниудаас хамаарах хамаарал өсөж байна. Технологи хөгжих тусам бүтээгдэхүүн, үйлчилгээнүүд улам нарийн, боловсронгуй хэсгүүдээс бүрдэх болсон. Үүнийг дагаад нэг компани дотроо хэд хэдэн нарийн мэргэшсэн хэсгүүдтэй байх, эсвэл өөр байгууллагуудтай холбоотой ажиллах шаардлага тулгарч байна. Энэ нөхцөлд хамгийн сайн хамтрагч байж чадсан байгууллагууд өндөр амжилтанд хүрч байна. Компаниуд зардлаа хэмнэж, эрсдэл багатайгаар амжилтанд хүрэхийн тулд шилдэг менежменттэй, чадварлаг хүний нөөцтэй, маркетингийн цогц үйлчилгээ үзүүлдэг агентлагуудад хандаж, чанартай үйлчилгээ авахыг илүүд үзэж байна.

Манай хамт олон дэвшилтэт медиа маркетингийн салбарт хийж гүйцэтгэсэн ажлууддаа, харилцагчдынхаа зүгээс өндөр үнэлгээг хүртээд байна. Бид хамтран ажилладаг үйлчлүүлэгчдийнхээ хүсэл эрмэлзлийг эрхэмлэж, компанийнхаа үйл ажиллагаанд ул суурьтай тусган ажилласнаар хамтдаа өсөн дэвжих бодлогыг баримтлан ажилладаг. Цаашдаа дэвшилтэт медиа маркетингийн салбарт бодит хувь нэмэр оруулахын тулд илүү өргөн хүрээг хамарсан үйл ажиллагаа явуулахаар төлөвлөж, харилцагч байгууллагууддаа илүү цогц үйлчилгээг хүргэх зорилго тавин ажиллаж байна.

БИДНИЙ ТЭМҮҮЛЭЛ

Дэлхийд тэргүүлэгч салбар болох мэдээллийн технологи нь хурдтай хөгжлөөрөө дэлхийн хөгжлийг тодорхойлсоор байна. Мэдээллийн технологи нь бүх салбарт нэвтэрч мэдээллийн технологиос хамааралгүй салбар гэж үгүй боллоо. Тиймээс энэ салбарт хийж бүтээх, санаачлах ажлууд хором мөч бүрд нэмэгдэж дэлхийд хамгийн ирээдүйтэй мэргэжлээр тодроод байна. Мэдээллийн технологийн мэргэжилтний онцлог болсон дэлхийн хэмжээнд өрсөлдөж, дэлхийн хэмжээнд үнэлүүлэх боломж бидэнд ч бас нээлттэй байна. Монгол хүний оюун ухаан, ур чадвараар газар доорх баялагаас илүү баялагийг бүтээж чадна гэдэгт итгэлтэй байна. Монгол залуус нэгдэж, монгол оюунаар мэдээлэл технологийн хөгжилд цахиур хагалж дэлхийд өрсөлдөхүйц бүтээлүүдийг хийж чадна. Хийх учиртай.

Мөрөөдлөө биелүүлэх цаг иржээ.
Тиймээс монгол залуусын зорилго тэмүүлэл, монголын мэдээлэл технологийн хөгжлийн хурдасгуур “Монголын Цахиурт хөндий” төслийг бид санаачиллаа.

Бидний ойн баярт тансаг сайхан орчинг бүрдүүлж өгсөн Black Box theatre болон амттай сайхан хоолоор дайлсан "МSH ресторан"-ы хамт олонд баярлалаа. Хүрэлцэн ирсэн найз нөхөд, гэр бүлийнхэн, хамтран ажиллагсаддаа маш их баярлалаа. Дараа жилийн ойн баяраар илүү их хийж бүтээсэн амжилтаар дүүрэн уулзацгаая.

Залуус цахим нийгэм дэхь орон зайг ашиглан өөрсдийн хүсэл мөрөөдлийг дэлхийд тунхаглахаар мордлоо What's Social Media lecture

2011-05-28T23:53:00.003+08:00

See the full gallery on Posterous

Өчигдөр 18:00 цагт МУБИС-ийн Төв байрны 312 тоотод цугларсан оюутан залуучуудад ЦАХИМ НИЙГЭМ ДЭХЬ ОРОН ЗАЙ сэдвээр лекцээ уншлаа. Лекцийг Монголын Оюутны Холбоо, The New Media Marketing Agency хамтран зохион байгуулсан билээ. Ямартай ч залуус лекцийг анхааралтай сонсож, 2.000.000.000 гишүүнтэй цахим улс гүрэнд өөрийн үзэл бодол, хүсэл мөрөөдлийг тунхаглах аянд мордоцгоолоо.
Лекцийн пресентешнийг энд орууллаа татаж сонирхоорой. Удахгүй лекцийн видео бичлэгийг хүргэх болно.

Social_Media_lecture_[Luvsandorj_Jamsranjav].pptx Download this file

"ЦАХИМ НИЙГЭМ ДЭХЬ ОРОН ЗАЙ буюу ДЭЛХИЙД ГАРАХ ГАРЦ" лекцэнд урьж байна

2011-05-24T17:16:00.001+08:00

Монголын Оюутны Холбоо, The New Media Marketing Agency компанитай хамтран оюутан залуучуудад интернэт хэрэглээний соёлыг төлөвшүүлж, сошиаль медиаг ашиглан хурдтай өргөжин тэлж буй цахим нийгэмд өөрийн байр суурийг бий болгож, өөрийн боломжийг тэлэх талаарх мэдлэгийг олгох зорилгоор “ОНЛАЙН НИЙГЭМ ДЭХЬ ОРОН ЗАЙ буюу ДЭЛХИЙД ГАРАХ ГАРЦ” лекцийг хүргэж байна.

Илтгэгч: Ж.ЛУВСАНДОРЖ /The New Media Marketing Agency компанийн Хэлтсийн дарга, “Яруу сэтгэгч” хүний хөгжлийн нийгэмлэгийн Тэргүүн/

Хэзээ: 2011 оны 5-р сарын 27-ны, 18:00 цагт
Хаана: Монгол Улсын Боловсролын Их Сургуулийн Төв байр, 312 тоот
Tax: FREE

Лавлах утас: 365555
YM: luvsandorjj

Дэлхийд ганцхан Монгол ардын дуугаараа Монгол хүүхдүүд эгшиглэнэ

2011-05-16T14:52:00.001+08:00

See the full gallery on Posterous

Монголчууд бидний ирээдүй болсон хүүхэд багачууддаа ёс заншил, өв уламжлал, ардын урлагийн баялаг сангаас танилцуулж түүнийгээ дээдлэн хүндэлж, дэлхий дахинд өв соёлоороо гайхуулах, эх орноороо бахархах, эх оронч сэтгэлтэй иргэн болгон төлөвшүүлэх зорилготой байгуулагдсан “Монгол эгшиглэн” хамтлаг нь 4- 5 настайгаасаа эхлэн Монгол ардын дуунуудаас дуулж “Монгол ардын дуугаа өвлөн дуулцгаая” ардын дууны цомгоо 2009 онд гаргасан.

2010 оны 02-р сарын 07-ны өдөр Үндэсний уламжлалт цагаан сарын баярыг тохиолдуулан “Монгол ардын дуугаа өвлөн дуулцгаая” нэртэй тоглолтоо амжилттай толилуулан монголын мянга мянган үе тэнгийнхээ бяцхан үзэгчид, эцэг эхчүүдээс талархал хүртсэн.

“Монгол эгшиглэн” хамтлагийн авьяаслаг багачууд маань ''БИД МОНГОЛ ХҮҮХДҮҮД'' тоглолтоо 2011 оны 5-р сарын 25-нд 18.00 цагаас Бөхийн өргөөнд болох тоглолтондоо та биднийг урин залж байна. Хөтөлбөртөө хамтлагынхаа дуу, хөгжим, Монголын Хүүхдийн ордны найрал дуу, Морин хуурын чуулга, Уран нугаралт зэрэг үзүүлбэрүүдийг багтаажээ.

Билетийг Бөхийн өргөөний кассаар болон доорхи утсаар холбоо барьж авна уу.
Утас: 93119310, 98620606, 91174919
Блог: www.mongolegshiglen.blogspot.com

Дэмжигч байгууллагууд
Мөрөөдлийн телевиз
“Монгол костьюмс” ХХК
“Яруу сэтгэгч” сэтгэлгээний урлан

Монгол ардын дуу хуур мөнхөд эгшиглэж
Мөнх хөх тэнгэртээ дуурссаар байх болтугай!

60 жил мод ургаагүй хөсөрсөн газар төгөл байгуулсан нь буюу ээждээ зориулсан бидний зүрх сэтгэл

2011-05-16T13:11:00.001+08:00

See the full gallery on Posterous

Өнгөрсөн хавар “Ээждээ зориулсан бидний төгөл” буюу Эх нялхасын эрдэм шинжилгээний төвд /ЭНЭШТ/ эх үрсийн ногоон төгөл байгуулах хөтөлбөрийг хамтрагч, ивээн тэтгэгч байгууллагууд болон ээждээ мод тарихад зав гаргачих тэнхээтэй залуусын хүчээр амжилттай хэрэгжүүлсэн билээ. Хөтөлбөрийн үр дүнд энд мод ургахгүй гээд бүүр эвлэрчихсэн байсан Эх нялхасын ажилтнуудын нүдийг орой дээр гаргаж жилийн жилд шороогоор шуурч байдаг зэвэрсэн газар амь орж ногоон төгөл цэцэглэж, эх үрсийн амарч тухлах орчин бүрдсэн. Бидний хамтран тарьж ургуулсан 2000 гаруй мод бутны 50% нь цэцэглэн ургасан бөгөөд 50% нь цэцэглэж ургаагүй биш харин хүмүүсийн буруутай үйл ажиллагаанаас болж машинд дайрагдсан, гишгэгдэн хугарч гэмтсэн байдалтай байна.

ЭНЭШТөв хайс барьна гэсэн амлалтаа биелүүлээгүйгээс бидний ээждээ зориулсан төгөл хугарсан байна. Ер нь ЭНЭШТ-ийн ажилтан удирдлагууд үнэхээр арчаагүй байдал гаргадаг. Хүний тариад өгсөн модыг услаад явчих сэтгэлгүй. Өнгөрсөн хавар тарьсан мод зүлгээ хүлээлгэн өгч, услах шланкийг хүртэл гардуулж өгөөд, олон мянган ажилчидаараа ээлжлээд услуулаад байна гэж дарга нь амласан. Бид итгэчихсэн хүмүүс 4 хоногийн дараа ирсэн чинь нэг ч услаагүй, өглөө, орой услах ёстой шинэ тарьсан зүлэг харлаад үхчихсэн байсан. Тарьсан мод зүлэг үхэж байхад, цонхоороо хараад тамхи татаад зогсоод байна. Нээрээ үнэн арчаагүй. Тэгээд арчилж тордохгүй байж, манай энэ газар барилгын хогтой болохоор мод тариад ч ургадаггүй гэж худлаа солиорно. Өөрсдийх нь өмнөх жилүүдэд тарьж байсан модных нь нүхийг харахад 20 см өнгөц зөөлөн хөрс ухаад л модоо булсан болоод орхисон байсан. Ингэж тарьсан мод ургах уу?! Бид өнгөрсөн хавар тарихдаа зөвхөн модны нүх ухахад л 7 хоног зарцуулж байсан, дагтаршсан улаан хөрш, цемент ухаж байгаа юм шиг л байсан. Бүр л өдөржин ухахад 2 модны нүхтэй салж байсан өдөр ч бий. 50см радиустай, 60см гүн ухаж байж, 40т хар шороогоор шинэ хөрс бий болгож байж, 100 гаруй хүний сэтгэл, 10 сая гаруй төгрөг зарцуулж байж энэ төгөлийг босгосон юм. Залуус бидний хүсэл мөрөөдлийг дэмжсэн “Монголын алт” корпорацид Эх нялхасд амаржих бүх ээжүүдийн өмнөө талархал илэрхийлье.

Энэ жилийн нөхөн сэргээлтийн ажилд мөн л МАК, “Ногоон хонх” ТББ ивээн тэтгэж, “Дэльта” энтертаймент, “Ногоон хонх” ТББ /greenbell@groups.facebook.com/, “Сортоо” клубын залуус гардан гүйцэтгэх ажилд идэвхитэй оролцлоо. Миний бие хөтөлбөрийн ерөнхий зохицуулагч байсан гэдэг утгаараа сая амралтын өдөр очиж үйл ажиллагаанд нь туслаж нөхөн сэргээх ажилд оролцлоо.

Экологич, эдийн засагч, модчин, түлээчин, банкчин, барилгачин бай хамаагүй АМЬСГАЛДАГ ХҮН БҮР ЖИЛД НЭГ МОД тарьж, ургуулдаг байгаасай!

ТВИТТЕРИЙГ ЗӨВ ОНОВЧТОЙ АШИГЛАХ ЗӨВЛӨМЖ

2011-05-10T20:57:00.002+08:00

Твиттер хэмээх олон нийттэй харилцах сошиал медиад бүртгүүлж үндсэн тохиргоо хийж цаашид олон дагагч бий болгож өөрийн үзэл бодлыг хуваалцах, эрхэлж буй үйл ажиллагаагаа олон нийтэд таниулах, өөрийн дэмжигчидийн хүрээлийг бий болгохын тулд хэрхэн ажиллах талаар зөвлөгөөг хүргэж байна.

Хүний хөгжлийн төлөө уриатай ГАРЫН ТАВАН ХУРУУ буюу манай гэр бүл МИНИЙ БАХАРХАЛ

2011-04-26T18:30:00.002+08:00

"Өнөөдөр" сонины сэтгүүлч Ж.Солонгийн соргог хараанд манай гэр бүлийнхний хийж бүтээж буй ажлууд өртөж танай гэр бүлийнхнээс ярилцлага авъя гэсний дагуу тус сонины "Хүмүүс, аж амьдрал" буланд ах дүүс, ээжийн хамт зочилж яриа өрнүүлсэн нь 5 хүүхэд нь ээжтэйгээ хамт хэвлэл мэдээлэлд ярилцлага өгөх гэж цугласан ахны тохиол боллоо. Сэтгүүлч тухайн ярилцлагаасаа "Хүний хөгжлийн төлөө уриатай ГАРЫН ТАВАН ХУРУУ" найрууллыг бичиж нийтэлсэн байна. Энэхүү ярилцлагыг өгч байхдаа гэр бүлийнхнийхээ талаар дахин нэг бодоход хүргэсэн бөгөөд гэр бүлийнхнийхээ талаар цуврал хөрөг- нийтлэл бичье гэсэн бодол төрсөн билээ. Та бүхэнд удахгүй хүргэх болно.
Найрууллыг бэлтгэж хүргэсэн сэтгүүлч Ж.Солонго болон "Өнөөдөр" сонины хамт олонд амжилт хүсье.
Миний бичих хөрөг- нийтлэлүүд

Миний аав Дулмаагийн Жамсранжав
Миний ээж Моломын Чимэдрагчаа
Том ах Жамсранжавын Бэгзсүрэн
Ах Жамсранжавын Ганжуурдалай
Эгч Жамсранжавын Хорлоо
Би
Дүү Жамсранжавын Дамдиндорж

МЭРГЭЖЛЭЭ ХЭРХЭН ЗӨВ СОНГОХ ВЭ буюу ИРЭЭДҮЙТЭЙ МЭРГЭЖЛҮҮД /Шууд ярилцлага/

2011-04-26T12:25:00.001+08:00

Star TV-ийн мэдээнд зочиноор орж, мэргэжлээ сонгож байгаа хүүхдүүд болон мэргэжил сонголтод нөлөөлж буй эцэг эхчүүд, багш нарт зориулж "Ямар мэргэжлүүд ирээдүйтэй вэ, мэргэжлээ хэрхэн зөв сонгох вэ" сэдвээр шууд ярилцлага өглөө.

4 сарын 22- МИНИЙ 100 НАЙЗ нөхөрсөг уулзалт

2011-04-26T00:12:00.001+08:00

See the full gallery on Posterous

Өгөөдэй өөрийн мэндэлсэн өдрөөр нижгэр найр хурим үүсгэж өргөн дэлгэр тэмдэглэхэд, Хаан аав нь дуудаж “Өөрийн алдаа оноог тунгааж, цаашид хэрхэхээ шийдэх ёстой өдөр болохоос, цэнгэж наргидаг өдөр биш” хэмээн зэмлэсэн гэдэг. Мэргэдийн үгүүлснээр “Хорвоод мэндэлсэн өдөр гэдэг нь гариг ертөнцийн нарийн учрал тохиолтой ховор тохиох чөлөө учрал бүхий мөч байдаг ажээ. Энэ мөч нь хүний мэндэлсэн өдрөөр дахин давтагддаг байна. Тиймээс өөрийн мэндэлсэн өдрөөр согтуурч хөлчүүрч цэнгэх биш харин байгаль эхдээ ойрхон байж ирэх жилийнхээ эрч хүч энергийг нөхөж авах ёстой ажээ.

Тиймээс миний бие өөрийн мэндэлсэн өдрөөр дотны найз нараа цуглуулж танилцуулж, мөрөөдлийг нь сонсож, зорилгодоо хүрэх амлалтыг нь авдаг өдөр болгож тэмдэглэдэг уламжлалтай билээ. Найз нар нэгнийхээ тухай илүү ихийг мэдэж авч, хэзээ ч сонсож байгаагүй хүсэл мөрөөдлийг сонсож, ижил зорилготой нэгэнтэйгээ хамтран ажиллах, таалагдсан нэгэнтэйгээ үерхэж нөхөрлөх гэх мэтээр сайхан үр дүнгүүд гардаг.

Мөн найз нараасаа эрч хүч энергийг авч, өөрийнхөө сурсан мэдсэн зүйл, сэтгэлийн үгээ хуваалцсан баяр үнэхээр сайхан боллоо. Найзууд энэ жилд төлөвлөж байгаа ажлаа нэгэндээ танилцууллаа. Амласан ажлаа биелүүлэх гэж хичээнэ гэдэгт итгэлтэй байна.

Энэ удаагийн нөхөрсөг уулзалтыг “Монголын нууц товчоо” ресторанд хийсэн бөгөөд энэхүү рестораны монгол хэв маягийг бүрдүүлсэн орчин болон хоолны амт чанар нь найзуудад маань маш их таалагдлаа. Дараа жилийн мэндэлсэн өдрөөр амласан амлалтуудаа биелүүлээд, хийсэн ажлаа тайлагнаад, илүү их зорилго өвөрлөн уулзацгаая даа, андууд аа.

Монголын аялал жуулчлал хэрхэн хөгжих вэ

2011-04-19T13:41:00.001+08:00

See the full gallery on Posterous

Жил бүр уламжлал болгон зохиогддог Аялал жуулчлалын үзэсгэлэн яармагийг үзэж сонирхлоо. Монголд аялал жуулчлалын компаниуд болон тур оператор, тур баазууд олон болсон байгаа хэдий ч үйлчилгээний хувьд нэгнээсээ ялгарах зүйлгүй ижил төстэй байгаа нь харагдаж байсан.

Гэр бааз
Нүүдэлчин айлд зочилох
Байгалийн үзэсгэлэнт газраар аялах
Монголын говь, хөх тэнгэр
Морь, тэмээтэй аялал гэх мэтээр бүгд л нийтлэг нэг үйлчилгээтэй байсан.

Аялал жуулчлал нь ирээдүйтэй бизнесийн тоонд орж байгаа бөгөөд санхүүгийн эргэлтээрээ дэлхийд 2-т орж байна. Даярлагдан буй дэлхий ертөнц, хүн төрөлхтний амьдралын хэв маягтай холбоотойгоор ойрын ирээдүйд аялал жуулчлал нь өдөр тутмын амьдралын нэг хэсэг болон хөгжиж байна. Аялал нь жилдээ нэг амрах үеэрээ хийдэг ажил биш харин өдөр тутам ажилдаа явдаг шиг л энгийн зүйл болох гэж байна.

Иймд МОНГОЛЫН АЯЛАЛ ЖУУЛЧЛАЛ ХӨГЖИХИЙН ТУЛД

1. ЯЛГАРАХ: Монголын аялал жуулчлалын салбарт дутагдалтай байгаа зүйл бол ялгаран хөгжих асуудал юм. Монголын аялал жуулчлалын байгууллагууд бүгд адилхан үйлчилгээтэй байх биш, харин хоорондоо ялгаран хөгжиж хэрэгтэй. Бүгд л нэг ижил үйлчилгээтэй байвал ялгарч харагдаж бусдын сонирхолыг татах нь бага болно. Бусад орнуудын аялал жуулчлал ч гэсэн төрөлжсөн онцлог байдлаараа ялгаран хөгжиж байна. Ялгарч хөгжих гэдэг нь өөрсдийн давуу талд түшиглан ялгарах онцлогоо тодорхойлж түүгээрээ дэлхийд танигдаж брэнд болох явдал юм.
Жишээ нь:
Адал явдалт: Сүнс, хий үзэгдлийн мөрөөр
Усан аялал
Спорт аялал
Эртний замаар
Түүхийн мөрөөр /баримтын мөрөөр/
Ердийн хөсгөөр аялах
Эрүүл мэндийн аялал: Рашаан, ус, цас мөс, хүйтэн, массаж (Зөвхөн Тай массажийг сонирхож багагүй хүн Тайландыг зоридог г.м)
Байгалийн үзэсгэлэнт газар
Түүхийн дурсгалт аялал
Нүүдэлчдийн амьдрал
Байлдан дагуулалтын шоу
Мөсөн зочид буудал
Сүнстэй зочид буудал
Урлаг соёл гэх мэтийн нэг үйлчилгээгээр бусдаас ялгаран хөгжиж байна. Ингэж чадсанаараа дэлхийн олон мянган жуулчны үйлчилгээнээс ялгарах, тогтмол үйлчлүүлэгчээ бий болгох бодлогыг баримтлан ажиллаж байна. Эдгээрээс онцлон дуридахад Тухайн орныхоо айлуудаар хоноглож аялах сонирхол бүхий жуулчдын сүлжээ /http://www.couchsurfing.org/ гэхэд 2,702,075 гишүүнтэй болоод байна.

2. ИНТЕРНЭТ АШИГЛАЛТ: Мөн Монголын аялал жуулчлалын байгууллагууд цахим орчинд байгаа 2 тэрбум орчим интернэт хэрэгдэгчидтэй харилцаа холбоо тогтоох, мэдээлэл хүргэх, санал хүсэлт сонсох талаас учир дутагдалтай ажиллаж байгаа бөгөөд ядаж л зочидынхоо сэтгэгдлийг онлайн орчинд байрлуулах, зохион байгуулж байгаа сонин сайхан үйл ажиллагаануудаа баримтжуулж интернэтээр дамжуулан дэлхий нийтэд хүргэх шаардлагатай байна. Энэ тал дээр “Монголын нууц товчоо“ аялал жуулчлалын компанийн жуулчидад санал болгож буй үйлчилгээ, шийдэл нь дэвшилттэй санагдсан.

3. НЭГДМЭЛ ӨРСӨЛДӨӨН: Монголын аялал жуулчлалын байгууллагууд өөр хоорондоо өрсөлдөх биш нийлээд бусад орны аялал жуулчлалын салбартай өрсөлдөх. Өөр өөрийн гэсэн ялгарах онцлогтой үйл ажиллагаатай болчихвол ч хоорондоо өрсөлдөөд байх шаардлагагүй л дээ. Жуулчидын хүсэл сонирхолоос уялдан өөрсдийн гэсэн үйлчлүүлэгч жуулчидтай болж чадна шүү дээ.

Дорно говь аймгийн Айраг сумаас бичиж байна

2011-04-17T23:17:00.001+08:00

See the full gallery on Posterous

Өглөө 10:00 цагт Чойроос хөдлөөд Шарын голоор дайраад Дорноговь аймгийн Айраг суманд ирлээ. Замдаа инженерүүдийн эхлүүлсэн "Шашин, итгэл үнэмшил, хуурамч лам нар, бөө, хятадууд ухаад дууслаа" гэх мэт сэдэвт яриаг сонсож, мөн Замын 3-р анги нь 312 км урт төмөр замын засвар үйлчилгээг хариуцан ажилладаг 320 гаруй ажилтан ажиллагсадтай хамт олон зэрэг мэдээллийг авлаа. Шарын голын ойролцоо МАК-ийн байгуулж байгаа коксжсон нүүрсний үйлдвэр баригдаж байгаа нь харагдаж байсан. Хуучин технологитой үйлдвэрүүдээс татгалзаж ийм өндөр технологитой үйлвэрүүдийг байгуулах нь зөв байгаа юм даа. Ингээд Айраг суманд байрлах замын 3-р ангийн ажилчидад лекцээ уншлаа. Хүмүүс лекцийг маш их сонирхож хүлээж авсан бөгөөд 2 цаг уншчихаад байхад л хэн ч гарч явахгүй байсан. Тэгээд "Мандухай хатан ээжүүд" аянг хүмүүст хүргэж Гэр бүлийн боловсролын лекцийг сонсгоход мөн л хүмүүс тэвчээртэйгээр сонсож байсан.

Айраг сумыг тойроод маш их жоншны ордтой бөгөөд энэ сумын ихэнхи иргэд нь жонш ухаж амьдрал ахуйгаа залгуулдаг тухай иргэд ярьж байсан. Замд жоншны хятад үйлдвэр нэг харагдаж байсан.

Мөн энэ суманд улсын нөөцийн газар /бензин, түлш/ байрладаг юм байна.

Одоо эндээс 23:20 цагийн галт тэрэгт суугаад Хотын зүг хөдөлнө.

Дорноговь аймаг Айраг сум замын 3-р ангийн замын мастер З.Чинбат ахын гэрээс блогоо бичиж байна. Сая Чинбат ахад блогын тухай нилээн тайлбарлаж өгч блог нээж өглөө. Интернэтийн ухааныг олох гэж нилээн хичээж байгаа ах байна. Сайшаалтай.

Төмөр зам дагуу соёлын үрийг тарьж явна даа

2011-04-16T21:28:00.001+08:00

МТЗ-ын Замын 3-р ангийн Хөдөлмөр хамгааллын инженер Л.Дэжидмаагийн саналын дагуу тус ангийн ажилтнуудад зориулсан "Хувь хүний амжилт ба ажлын бүтээмж" сэдэвт лекц зохион байгуулахаар өчигдөр орой Говьсүмбэр аймгийн Чойр өртөөнд ирлээ. Замын 3-р ангийн инженер, мастеруудад өнгөрсөн жил сургалт зохион байгуулж байсан бөгөөд тэр үеэс холбоотой ажиллаж байгаа билээ. Инженер Л.Дэжидмаа, ахлах инженер Р.Сүхбаатар нар нь "Яруу сэтгэгч" сонины уншигчид бөгөөд анх сониноос улбаалан бидэнтэй танилцаж байсан.

22:00 цаг өнгөрөөгөөд Чойрт ирж, албаны хүнээр тосуулан ажилчдын амрах байранд байрлалаа.

See the full gallery on Posterous

Өнөө өглөө 9:00 цагт 69 машинтай хөдөлж, замын хэсгүүд төвлөрсөн эхний газраа ирж лекцээ уншлаа. Ажилчид их сонирхож сонсож байсан бөгөөд хувь хүний хөгжлийн мэдээллээр маш их дутагдаж байдаг нь тодорхой харагдаж байв. Зам ангийн ажилчид нь төмөр замын эвдрэл, гэмтлийг бүрэн хариуцаж, шалгаж, засварлаж ажиллах үүрэгтэй ажээ. Инженерийн хэлж байгаагаар хөгжингүй орнуудын зам засвар нь бүрэн механикжиж, нэг машинаар л бараг бүх засварыг шийддэг болоод байгаа бол Монголын хувьд бараг 100% гар ажиллагаагаар гүйцэтгэж байгаа нь учир дутагдалтай санагдлаа. Ер нь МТЗ нь Оросоос шууд шахдаг хуучин технолги, зүтгүүр зэргээс шалтгаалан технологийн хувьд маш хоцронгуй явж байгаа юм байна. Харин одоо монгол захиралтай болсноос хойш шинэчлэлийн хүрээнд зарим ажлуудыг хийж байгаа тухай инженерээс сонслоо.

See the full gallery on Posterous

Тэндээс буцаж Зам анги дээрээ ирэхэд замын мастер нь зам ангийн үйл ажиллагааг танилцууллаа. Зам анги нь төмөр замын засвар, үйлчилгээ хариуцдаг гэдэг утгаараа зам дагуу хэсгүүдэд хуваагдаж ажилладаг юм байна. Нэг хэсэг нь 26 км замын аюулгүй байдлыг бүрэн хариуцдаг ажээ. Танилцаад явж байхад хүндэт самбар дээр нь өмнөх жил манай сугалтанд сууж байсан мастер ах Шилдэг мастер болсон байхыг хараад дотроо баярлаж л явлаа. Мөн грашийн хананд хэд хэдэн уран зураг өлгөөтөй байсан нь маш сонирхолтой харагдаж байсан. Сураг сонсвол энэ зам ангийг байгуулагдахад 2 зураач ажиллаж байсан бөгөөд тэдний бүтээл гэж хэлж байсан.

See the full gallery on Posterous

Хоолоо идчихээд дараагийн хэсэг ажилчидад лекцээ уншлаа. Миний уншиж байсан лекцүүдээс энэ лекц нэлээдгүй халуухан лекц болсон бөгөөд заалны уур амьсгалтай уялдан сэдвээсээ хальж тусгаар тогтнол, үндэсний аюулгүй байдал, Монгол хүний үнэ цэнэ сэдвүүдрүү нилээд хазайлаа.

Ер нь галт тэрэгэнд таарсан ах нар, энд таарсан инженер, тогооч эгч нартай ярилцаж байхад, Монгол хүний хөгжлийн асуудалд бүгд л санаа зовж байгаа нь илт байсан бөгөөд Монгол хүнд итгэл найдвар, урам зориг, хийж бүтээх сэдэл тэмүүллийг өгч, хувь хүний амьдралдаа хандах сэтгэлгээг дахин шинэ сэтгэлгээнд авчирах ёстой гэсэн санааг бүгд цухалжуулж байв. Л.Дэжидмаа инженерийн хувьд маш дэвшилтэт үзэлтэй хүн гэдэг нь ажиглагдсан. Тэрээр, "Би ажилчидаа тогтмол хөгжүүлж, цэнэглэж байхыг хичээдэг бөгөөд 300000-р сургалт авъя гэхэд дарга нар нь мөнгөө харамладаг. Тэгэхэд нь бид 300000 төлөөд 300 ажилтанаа цэнэглэж, ажилчидаараа 300000000-г бүтээлгэх ёстой гэж дарга нартаа хэлдэг. Мөн энэ төсвийн байгууллагууд бүгд албан ёсоор ажилчидынхаа толгойд юм хийж, сургаж хөгжүүлэхэд мөнгөө зориулах хэрэгтэй" гэсэн санаануудыг хэлж байсан.

See the full gallery on Posterous

Чойр суурин нь чимээ аниргүй, хүн хөдөлгөөн багатай тосгонтой төстэй. Хөдөө явалгүй олон жил болсон миний хувьд анир чимээгүй, тайван, сонирхолтой л байна. Маргааш өглөө төмөр дагуу Айраг суманд байрлах замийн хэсгүүдрүү соёлын үрийг тарихаар явна даа. Яг одоо Чойр суурин дахь инжерийн албан өрөөнөөс блогоо бичиж байна.

2011.4.16 өдөр 21:21 цаг
Говь сүмбэр аймаг, Сүмбэр сум, Чойр өртөө

Цэцэг билэгт найзийн минь омог төгөлдөр "Миний ертөнц"

2011-04-15T15:22:00.001+08:00

See the full gallery on Posterous

ЭМиний уран бүтээлийн найз Д.Цэцэнбилэг "Миний ертөнц" нэртэй яруу найргийн анхны номоо сая надад бэлэглэлээ. Түүний цэцэн билэгт оюунаас ундарсан омог бардам агуулгатай, хурц тод дүрслэлтэй, хэтэрхий өөрийнхөөрөө чөлөөт хэлбэртэй сонин сайхан шүлгээр дүүрэн ном нь надад маш их таалагдлаа. Шүлгүүдээ өөрийнхөө гараар монгол бичигт буулгаж нийтэлсэн нь Монгол хүний нэгэн бахархал болон дурайна.

Түүнийг би Эх орныхоо зүрхэнд булиглах гал улаан цус шиг эрч хүчтэй, гал цогтой уран бүтээлч, сэтгэгч Монгол бүсгүй гэж бодож явдаг. Өөрийнхөө үйл амьдрал, үг бүтээл бүрээрээ монгол хүнийг ухаарал, гэгээрлийн замд хөтлөхийг зорьж явдагт тань үргэлж бахархаж, чадах зүйлээрээ туслаж дэмжиж, Монгол хүний соён гэгээрлийн төлөө илүү ихийг хамтдаа хийж бүтээнэ гэж бодож явдаг шүү. Найзийнхаа цаашдийн уран бүтээлд нь АГУУ хийгээд ТӨГСийг хүсэн ерөөе.

Түүний шүлэгнүүд дундаас ухааныг минь шад шиг сийчэж, өөрийгөө дахин дахин өнгийхөд хүргэсэн нэгэн шүлгийг танд ч гэсэн зориулъя.

ӨР ТӨЛӨӨСГҮЙ ӨГЛӨГ ГЭЖ ҮГҮЙ ЭЭ
Огтол, тайр, тул энэ мод чинийх
Орил, хашгир, тийчил энэ жаргал чинийх
Оволзсон шуналаа дийлэхгүй олсон бүхнээ ав
Одоо харин төлөөсөнд нь өрөөсөн нүдээ өг

Уу, залги, ширгээ энэ гол чинийх
Унт, хэвт, эзэмд өрөөлийн хүн чинийх
Уутал, савла, ав энэ мөнгө чинийх
Улам ихийг хүс, хайртай бүхнээ буцаан барь

Ух, нүхэл, сүвлэ энэ газар чинийх
Уйл, инээ, хөрвөө энэ өдөр чинийх
Хуур, мэхэл, даажигна ард түмэн чинийх
Хүрч авсан бүхнээ харин одоо буцааж өг

Авсан хүртсэн болгоноо алганы салаагаараа алдаж
Амь тэмцэн хурааснаа аяганы амсраар цалгиаж
Аяа чи юу ч үгүй хорвоогоос буцахаас хойш
Ахархан бодлын үзүүрт хор бүү тээгээч

(Би энэ шүлгийг УЛААН ШҮЛЭГ гэж нэрлэе Ж.Лувсандорж)

"Ази Фарма" компанийн Шилдэг 100 харилцагчийн баярт оролцож "ХҮН ТӨВТЭЙ БИЗНЕС" сэдвээр лекц уншлаа

2011-04-14T21:47:00.001+08:00

See the full gallery on Posterous

4 сарын 8-ний өдөр "Ази Фарма" компаниас "Шилдэг 100 харилцагчийн баяр" зохион байгуулж харилцагч байгууллагуудынхаа ажилтануудад эмийн зохистой хэрэглээ болон бизнесийн хамтын ажиллагааны талаар лекц, семинар зохион байгуулж оюуны хөрөнгө оруулалт хийлээ. Миний бие уг арга хэмжээнд урилгаар оролцож "ХҮН ТӨВТЭЙ БИЗНЕС" сэдвээр лекц уншлаа. Мөн эм, эмнэлэгийн байгууллагын ажилтнуудтай маркетингийн шинэ үеийн хандлага, интернэт орчинд хэрэглэгчдтэй харилцаж үнэнч тууштай хэрэглэгчийг төлөвшүүлэх талаар санал бодлоо солилцоо.

Уулзалтын үеэр "Ази Фарма" компани нийгэмд чиглэсэн олон талт сайн үйлсийн ажлуудыг удирдлага болгон ажиллахаа илэрхийлж байсан нь сүүлийн үеийн маркетингийн хандлага болж буй хүмүүнлэг маркетингийг бодлоготоо тусган ажиллах гэж байгаа нь сайшаалтай санаглаа.

Харилцагч байгууллагууддаа чиглэсэн сонирхолтой үйл ажиллагаа зохион байгуулсан "Ази Фарма" компанийн хамт олонд баярлалаа. Амжилт хүсье.

"Хүний хөгжил мөнгө үү? боловсрол уу?" сэдвээр ЭХ СУРВАЛЖ нэвтрүүлэгт оролцлоо

2011-04-13T20:43:00.001+08:00

МҮОНРТВ-ийн "ЭХ СУРВАЛЖ" нэвтрүүлэг "Хүний хөгжил мөнгө үү? боловсрол уу?" сэдвээр бэлтгэгдсэн бөгөөд Миний бие энэ нэвтрүүлэгт оролцож үзэл бодлоо хуваалцсанаа та бүхэнд хүргэж байна.

Social media community & Personal branding seminar

2011-04-11T19:40:00.002+08:00

Компаний ажилтны хөгжлийн цаг бол мэдлэг, чадвараа хуваалцах хамгийн үнэ цэнэтэй цаг байдаг. Энэ удаа, "Хувь хүний брэндийг бий болгоход сошиаль медиаг хэрхэн амжилттай ашиглах" талаар семинарыг миний бие зохион байгууллаа.

Харамсах зүйлгүйгээр амьдрахын тулд

2011-03-30T13:49:00.001+08:00

Амжилтын оргилд хүрсэн нэгэн хүнээс ийн асуужээ.

– Та өөрийнхөө алдаж онож явсан үеэс аль алдаандаа хамгийн их харамсдаг вэ? гэхэд,

Амжилтанд хүрсэн хүн: - “Би зориглож хийгээд, алдаж оносон бүх үйлсдээ хэзээ ч харамсдаггүй. Яагаад гэвэл, хийж чадах эсэхдээ өөрийгөө сориод үзсэн учраас, би энийг чадлаа, би энийг чадахгүй юм байна гэсэн хариултаа өөрөөсөө олж, дүгнэж чадсан учраас харамсаад байх зүйлгүй. Харин хийх гээд зориглож чадаагүй тэр зүйлүүддээ л маш их харамсдаг. Яагаад гэвэл, тэр зүйлийг үнэхээр өөрөө хийж чадах байсан уу? Хийж чадахааргүй байсан уу? гэдэгт өөрийгөө сорьж чадаагүй, хариултаа өөрөөсөө олж чадаагүйдээ, Би түүнийг хийж чадах байсан болов уу? гээд л өдий болтол өөрөөсөө асууж, хийсэн бол яах байсан бол гээд л байнга харамсдаг. Тиймээс хийе гэж бодож байгаа зүйлүүдээ заавал, хийж байгаарай гэж хэлмээр байна. Хийгээд туршаад үзчихвэл амар шүү дээ. Хийж чадвал, чиний амжилт нэгээр нэмэгдэнэ. Хийж чадаагүй бол чиний сурах зүйл нэгээр нэмэгдэнэ” гэжээ.

Хэзээ нэгэн цагт харамсахгүйн тулд, шинэ ондоо өөрийн бодож санаж байгаа бүх ажлуудаа зориглож хийцгээе.
‎"Ажлыг хийж эхлэвэл бүтнэ, бүтэхгүй гэсэн 2 хувилбартай бол хийж эхлээгүй үед бүтэхгүй гэсэн ганц л хувилбар байдаг"

UBTwestival-2011 амжилттай болж өндөрлөлөө /Зохион байгуулалтын багийн албан ёсны мэдээлэл/

2011-03-25T22:30:00.001+08:00

See the full gallery on Posterous

Дэлхий нийтэд 3 сарын 24-нд нэг өдөр болдог ёсоор UBTwestival-2011 Занаду Арт Галлерейд цагтаа эхэллээ. @Twestival нь Монголд анх удаа болж байгаагаараа онцлог байсан бөгөөд Монголын твиттерчид нүүр тулан цуглаж, танилцаж, санал бодлоо солилцож, авъяас чадвараа үзүүлж, харааны бэрхшээлтэй хүүхдүүдэд хандив цуглуулсан хөгжилтэй, хүмүүнлэг, сонирхолтой үйл ажиллагаа боллоо.

Хүүхдийн төлөө гэсэн сэтгэлтэй, жиргээчидтэйгээ хамтдаа гэсэн зүтгэлтэй авъяаслаг жиргээч, хамтлаг дуучид болох @SouLinBeatZ, @Altanuragband, @Ixora_artrock, @Sunderia,“G Tree” гитар сонирхогчидын клуб, “Northducks” band, “L-Guards” boy band нар үйл ажиллагаа эхлэхээс дуусах хүртэл хамт байлаа.

Мөн жиргээчдийн санаачлагыг дэмжиж хүүхдийн төлөө өөрсдийн үйл ажиллагаагаар болон санхүүгээр ивээн тэтгэж Занаду Арт галлерей, Green SPOT, @Bodi9electronic, @XacBank “Амар” үйлчилгээ, @FohowMongolia хүний хөгжил, эрүүл мэндийн компани, @Unitel_Official, @Tedymn-ийн хамт олон оролцлоо.

Идэвхитэй оролцсон жиргээчдээ баярлуулах зорилгоор зохион байгуулсан уралдаан тэмцээнүүдийг дурьдвал, @XacBank Amar үйлчилгээ “amar” гэсэн үг хамгийн олон орсон 140 тэмдэгтэд багтсан утга төгөлдөр үгүүлбэр зохиох тэмцээн зохиоход @bodi9electronic-ийн ажилтан залуу “#AMAR iim amar ued tm amar uilchilgeg amar agentas amarch chdku ochrlj zogsku nen amr awn gdg amarchlh durta mongolchudad amarhn songolt” гэсэн үгүүлбэр зохиож ялагч боллоо.

@IndigoTuv-с зохион байгуулсан оюуны тоглоомын уралдаанд @Mendorshikh түрүүлж ялагч бослон боловч, ялагчийнхаа шагналыг буцаагаад зохион байгуулагчидад өгч хүүхдүүдэд хандивлалаа.

@Unitel_Official зохион байгуулсан “Нэг амьсгаагаар олон @Unitel_Official тоолох тэмцээнд @Yaruu түрүүлж 3,5G-Модемийн эзэн боллоо.

Хүүхэд насаа санагдуулах эд зүйлсээ авчирах даалгаварт бойтогны хонхоо авчирсан нэгэн бүсгүй ялагч боллоо.

Мөн жиргээчид өөрсдийн сонирхолын дагуу булангууд ажиллуулж олсон орлогоо хүүхдийн төлөө хандивлалаа. Жишээлбэл @movieMN-ий залуус кино борлуулах уралдаан зарлаад олсон мөнгө болон өөрсдийн цуглуулгаас “Хардныхаа хэмжээгээр кино ав” гэсэн уриатайгаар өөрсдийн буланг ажиллууллаа. @IndigoTuv-ийн залуус “Хүүхэд насанд хүргэнэ” хүүхдийн тоглоомын булангаа ажиллууллаа.

Харин гар урлаач жиргээчид өөрсдийн гараар бүтээсэн твиттерийн логотой түлхүүрийн оосор, уут зэргийг борлуулах худалдааны булан ажилууллаа.

Жиргээчиддээ сонирхолтой байх үүднээс Twitter-ийн хамгийн хамгийнийг тодруулж зарлахад, Хамгийн их дуусаг жиргээчээр @Mosesschiff, хамгийн их хоолсог нь @Tergela, хамгийн боловсон нь @Purevee___, хамгийн хэрүүлч нь @Enhmandah, жиргээд амьдралаа зориулагч жиргээчээр @Unuruu нар тус тус тодорлоо.

Хандив цуглуулах үйл ажиллагааны нэгээхэн хэсэг болох @UBTwestival-д оролцогчдын гарын үсэг бүхий дурсгалын фудболкийг дуудлага худалдаанд оруулахад @NMMAteam-ийн захирал @Mendorshikh 326’000₮-р худалдан авч харааны бэрхшээлтэй хүүхдүүдэд тусламж үзүүлэх үйл ажиллагааг дэмжлээ.

За ингээд @UBTwestival-2011 санаанд оромгүй хөгжилтэй, сонирхолтой үйл явдлуудаар дүүрэн болж өнгөрлөө.

Зохион байгуулалтын багийнхан бид такс болон хандиваар цуглуулсан нийт мөнгийг @Save_infants төрийн бус байгууллагын хамт олонд шилжүүлэх бөгөөд тус ТББ нь харааны бэрхшээлтэй хүүхдүүдийн сургуульд шаардлагатай тоног төхөөрөмжийг авч өгч хандивын зарцуулалтыг эргэн тайлагнах үүргийг хүрэлцэн ирсэн жиргээчдийн өмнө хүлээж байгаа билээ юм. @Save_infants ТББ нь хүүхдийн төлөө олон хандивын үйл ажиллагааг амжилттай удирдаж байсан нэр хүнд бүхий байгууллага учраас бид хамтран ажилласан билээ.

Өөрсдийн их ажлын хажуугаар залуусын чөлөөт цагийн үйл ажиллагааг зохион байгуулж, хүүхдийн төлөө сэтгэл гаргаж ажилласан зохион байгуулалтын багийн @Gerel, @Baatarscc, @Enhbazar, @Jargalsaihan_e, @Boldbaatar, @Frank_moon, @Enhmandah, @AnuHarchu, @Tergela, @Bekhtsegts, @Luvsandorj нарт маш их баярлалаа. Та бүхний цаашдийн ажил үйлс өөрсдийн энэ сайхан сэтгэл лүгээ урган цэцгэлэх нь лавтай билээ.

Дараа жилийн UBTwestival хүртэл баяртай.

2011.03.25

Гэрлийн зүг тэмүүлэгчид /UBTwestival 2011-д хүрэлцэн ирэх ах эгч нартаа зориуллаа/

2011-03-23T17:36:00.001+08:00

“Гэрлийн зүг тэмүүлэгчид”

Сайн байцгаана уу, ах эгч нар аа.
Та нарыг энд цугласанд бид маш их баяртай байна.
Бид та нарыг сайн танихгүй л дээ, Биднийг ч гэсэн та нар танихгүй.
Бид бол энэ хорвоо дээр өөрсдийн зорилгыг биелүүлэх утга учиртай ирцгээсэн бяцхан хүмүүс билээ. Бидэнд маш их зорилго бий. Бид ерөнхийлөгч болж улс орноо гоё болгоно, урлаг, спортын алдартан болж дэлхийд эх орныхоо нэрийг гаргана гэж боддог.

Та нарт ч гэсэн энэ хорвоогоос хүсдэг маш олон хүсэл байдаг биз дээ. Гоё машинтай болох, сайхан байшинтай болох, баян болох, сайхан гэр бүлтэй болох гээд л.
Та нарт энэ их зорилгодоо хүрэхэд саад болдог зүйл байдаг уу? Харин надад нэг л зүйл маш их саад болж байна. Би энэ хорвоогоос маш олон зүйлийг хүсэхээ болиод байгаа. Харин нэг л зүйлийг маш их хүсдэг болсоон. Та бүхэн бидний хүслийг мэдмээр байна уу?
Би та нарын өдөр бүр харж байдаг хөөрхөн ээжийгээ, гэрэлт нарыг, цэцэгсийн дэлбээг, найзийнхаа намайг хөтлөдөг гарыг нь харахыг хүсдэг. Цас ямар байдгийг, цэцэгс хэрхэн дэлбээлдэгийг, солонго гэж юу байдагийг харах юмсан гэж боддог. Эсвэл та надад тэдний тухай ярьж өгөөч. Гэхдээ энэ хүсэл биелэхгүй байх л даа.
Яагаад гэвэл би нүдгүй хүн шүү дээ.
Би сохор хүн.

Миний ертөнцөд бүх зүйл нэг л өнгөтэй байдаг. Та энд ямар байдагийг ойлгохгүй байх л даа. Гэхдээ та ойлгохыг хүсэж байвал, бүгдээрээ хамтдаа 10 тоолцгооё!
Бүгдээрээ нүдээ аниад, 1, 2, 3 /удаан/, 4, урагшаа алхаарай, өмнөө юу байгааг тэмтрээрэй, гэхдээ болгоомжтой, 5, 6, 7, 8, урдаа байгаа хүнтэй мэндлээд, танилцаарай 9, 10, Гэхдээ битгий нүдээ нээгээрэй! Та одоо мэдэр дээ, Саяны ертөнц бол бидний ертөнц юм шүү дээ...

Гэхдээ би өөрийгөө сохор хүн, дутуу хүн гэж боддоггүй ээ. Би та нар шиг л бүхнийг харж, мэдэрч, ойлгож чадна. Ээжийгээ би халуун амьсгалаар нь, найзийгаа би халуун гараар нь мэдэрдэг, номоо би хурууны өндөгөөрөө, урдах замаа би урт таягаараа хардаг. Та нар намайг битгий өрөвдөөрэй, би нүдгүй л болохоос бүрэн бүтэн хүн шүү. Би өөрийнхөө зорилгод заавал хүрэх болно. Харин одоо миний хамгийн их хүсэж байгаа зүйл бол компьютер гэдэг сайхан зүйлийг сурч, хорвоо ертөнцийн бүхий л мэдлэгийг авах юмсан гэж бодоод байгаа.

Одоо биднийг хэн бэ гэдгийг та нар ойлгосон байх аа. Бид бол Харааны бэрхшээлтэй хүүхдийн 116-р сургуулийн сурагчид байна.
Бидэнд туслахаар энд цугласан ах эгч нартаа болон UBTwestival-ийн зохион байгуулагч ах эгч нартаа маш их баярлалаа.

Бид гэрэл гэгээ гэдэг юу байдгийг мэдэрсэн. Энэ бол та нарын чин сэтгэл юм билээ.
Бид гэрэл гэгээг харсаан, Энэ бол хүний чин сэтгэл юм билээ.

Баярлалаа, Та нартаа

2010 оны 3 сарын 23

UBTwestival 2011 дээр яг юу болох вэ? /UBTWestival ДЭЭР НҮҮР ТУЛЖ ЖИРГЭЦГЭЭЕ/

2011-03-20T19:32:00.001+08:00

See the full gallery on Posterous

Монголын твиттерчид нүүр тулан танилцаж нэгнийхээ авъяас чадварыг сорьж, хөгжилдөж, хамтран ажиллаж, нийгэмд тулгамдаж буй асуудлыг шийдвэрлэхэд хамтдаа дуу хоолойгоо хүргэдэг дэлхий нийтээр өрнөж буй Twestival хөдөлгөөнд нэгдэж 3 сарын 24-нд “UBTwestival 2011” дээр уулзаж НҮҮР ТУЛЖ ЖИРГЭЦГЭЭЕ.

Хэзээ: 3 сарын 24-ний 18:30 цагт
Хаана: Занаду Арт галлерейд /Урт цагааны зүүн жигүүр/

18:30. Нээлт Twestival-н тухай
18:40. Твиттерчид нээлттэй булангаа танилцуулах
19:00. “G Tree” Гитар сонирхогчидын клуб
19:10. “Soul in beatz” dancecrew
19:15. Оролцогчидын хүүхэд насанд нь хүргэж өгнө
19:20. Хүүхдүүдэд гэрэл бэлэглэцгээе арга хэмжээ
19:30. “Ixora” girls band
19:35. “L-Guards” boy band
19:40. Твиттерчдийн өөрийгөө рекламдах цаг
19:55. Ивээн тэтгэгч байгууллагын цаг
20:05. “Алтан ураг” folk rock band
20:10. “Northducks” band
20:15. Твиттерчид нүүр тулан жиргэх /танилцах/ цаг
20:35. Дуучин Сүндэръяа
20:40. Оюуны тоглоомын тэмцээн /шагнал/
20:50. Twitter-ийн хамгийн хамгийнийг тодруулна: Хамгийн их жиргээтэй, Хамгийн их дуусаг, Хамгийн их хоолсог, Хамгийн боловсон, Хамгийн олон дагуултай, Хамгийн хэрүүлч, Хамгийн их улстөрсөг, Жиргээд амьдралаа зориулагч зэргийг тодруулж олон нийтэд зарлана.
21:05. MMF холбооны залуус терабайт кино тараана
21:15. Хөгжөөнт хөтөлбөр: Дуудлага худалдаа, Хацар дээр зуруулах, тэмцээн, тоглоом, твиттер коктейль
21:35. Монголын Твиттерчид нийтээр зураг
21:45. Хаалт
21:45- 23:00. Чөлөөт хөтөлбөр

ТАХ: 4000₮ /Хүүхэд насаа санагдуулах эд зүйлсээ авчирах/

Ивээн тэтгэгч
Занаду Арт галлерей
Бодь Электроникс
http://tedy.mn
“Fohow” хүний хөгжил, эрүүл мэндийн компани
Хас банк “Амар” үйлчилгээ,

Дэмжигч байгууллага
“Яруу сэтгэгч” урлан
“Индиго” хүүхдийн хөгжлийн төв
http://zaluu.com
http://iloveub.mn/
http://likeit.mn/
http://jirgee.com/

Холбоо барих
Утас: 88779173
http://ulaanbaatar.twestival.com/
http://www.facebook.com/UBTwestival
http://twitter.com/UBTwestival/

Нийгмийн зүтгэлтэн, соён гэгээрүүлэгч С.Удвал ахайтны 90 насны ойд ЦАГИЙГ ЭЗЭЛСЭН ИХ ХАТАГТАЙ Яруу тансаг цэнгүүн

2011-03-18T18:36:00.001+08:00

Төр нийгмийн нэрт зүтгэлтэн, соён гэгээрүүлэгч
Сономын Удвал ахайтны 90 насны ойд зориулсан

ЦАГИЙГ ЭЗЭЛСЭН ИХ ХАТАГТАЙ
яруу тансаг цэнгүүнд хүрэлцэн ирж яруу найргийн уран тансагаар сэтгэлээ хөглөж, эгэлгүй ухаант, тэмцэгч монгол бүсгүйн тухай мэргэдийн дурсамжаар оюунаа баясгаж нэгэн үдэш ухаарал гэгээрлийн яруу тансаг орчилд учрахыг урьж байна.

Цэнгүүнд
Д.Урианхай /Нэрт яруу найрагч, сэтгэгч/
З.Дорж /Төрийн соёрхолт зохиолч, яруу найрагч/
С.Оюун /Д.Нацагдоржийн нэрэмжит шагналт яруу найрагч, СГЗ/
З.Жарантав /МУГЗ/
Г.Мөнхцэцэг /Болор цомын эзэн яруу найрагч/
Л.Эрдэнэбулган /МУГЗ/
Ч.Дамдиндорж /МЗЭ-ийн шагналт яруу найрагч/
Б.Өнөбаатар /“Удвал” сангийн тэргүүн/
Д.Гомбосүрэн /Зууны манлай, Монгол Улсын начин, дүүгүүр хэмээх/
Д.Миеэгомбо /Д.Нацагдоржийн нэрэмжит шагналт яруу найрагч, СГЗ/
Ж.Батцэцэг /МЗЭ-ийн шагналт яруу найрагч/ зэрэг урлаг соёлын нэрт зүтгэлтэнүүд хүрэлцэн ирж Удвал ахайтны талаар энгүй сайхан хууч яриа дэлгэж, уран бүтээлчид аялгуу эгшигээрээ түрлэг нэмж

Н.Батжаргал /МУСТА, Алтан Өд наадмын шагналт зохиолч, яруу найрагч/
Д.Мөнхжаргал /“Тэвчээрийн тэнгэртэй ижий минь” номын зохиогч, яруу найрагч/
Ц.Элбэгзаяа /МЗЭ-ийн шагналт, “Эрхэмсэг бүсгүй” номын зохиогч/
Э.Сэджидмаа /Залуу яруу найрагч/ нар яруу найргийнхаа охь дээжээс сонор мялаах болно.

Хэзээ: 2011 оны 3 сарын 21-ний 17.30 цагт /Дэлхийн яруу найргийн өдөр/
Хаана: АСА циркэд
Таx: 3000₮ /Удвал ахайтны нэрэмжит танхимыг тохижуулахад зориулна/
Утас: 96588855, 96580022

Зохион байгуулагч: “Fohow” хүний хөгжил, эрүүл мэндийн компани
Дэмжигч: "Яруу сэтгэгч" бүлгэм

Интернэт маркетинг эрчимтэй хөгжиж буй шалтгаан

2011-03-16T14:38:00.002+08:00

TED буюу “Даян дэлхийд санаагаа хуваалцах” гэж юу вэ?

2011-03-15T22:05:00.001+08:00

See the full gallery on Posterous

TED нь Technology, Entertainment, Design гэсэн 3 үгний товчлол бөгөөд 1984 оноос хойш “Даян дэлхийд санаагаа хуваалцая” уриан доор дэлхийн шилдэг бүтээн байгуулагчид болон сэтгэгчид жил бүр цугларан технологи, энтэртэйнмэнт, дизайн, шинжлэх ухаан, хүмүүнлэг, бизнес, хөгжлийн гэх мэт чиглэлээр хэлэлцэн, санал бодлоо хуваалцдаг олон улсын арга хэмжээ юм.

TED нь “Шинэ онцгой санаануудыг түгээн дэлгэрүүлэх” зорилгоор бүсчилсэн хөтөлбөр болох TEDx-ийг бий болгосон юм. TEDx нь тухайн бүс нутгийн байгууллага, хүмүүсийн санаачилгаар өөрсдийн туршлага, санал сэтгэгдлээ хуваалцах, дэлхий дахинд хэрэгтэй шинэ санааг түгээх зорилгоор тусгай зөвшөөрлийн дагуу бие даан зохион байгуулагддаг TED-ын салбар арга хэмжээ юм. 2010 оны байдлаар 60 гаруй оронд 750 удаагийн TEDx арга хэмжээ зохион байгуулагдсан байна.

TED-д оролцогч нь дэлхийн хэмжээний чухал сэдвүүдийг сонгож хүмүүсийн нүдийг нээсэн шинэ санал санаачилгыг дэвшүүлж 18 минутад багтаан хүмүүст хүргэдэг байна. Уг арга хэмжээнд Bill Clinton, Bill Gates, Google founders Larry Page and Sergey Brin, Malcolm Gladwell, Al Gore, Gordon Brown, Jane Goodall, Richard Dawkins зэрэг дэлхийд хүлээн зөвшөөрөгдсөн сэтгэгчид, нобелийн шагналтнууд болон дэлхийд хүргэх шинэ санаа байна гэдгээ нотолж чадсан эгэл жирийн залуус хүртэл оролцож байсан байна.

Танд ч гэсэн дэлхийд үнэлэгдэхүйц шинэ санаа байгаа TEDx-д оролцож өөрийн дуу хоолойг дэлхий дахинд хүргэх боломжтой ажээ.

“TEDTalks” буюу TED чуулга уулзалт дээр яригдсан асуудлуудыг TED.com цахим хуудас дээр үнэгүй үзэх боломжтойгоор байрлуулдаг.
Монгол тайлбартай илтгэлүүдийг эндээс үзээрэй.

Дэлгэрэнгүй мэдээллийг
www.ted.com
www.ted.com/tedx
http://www.facebook.com/tedxulaanbaatar

The New Media Marketing Agency-н залуусын юу сэтгэж юу бүтээж байгааг мэдмээр байна уу?

2011-03-14T19:23:00.001+08:00

The New Media Marketing Agency-н хамт олон нь шинэ тутам эрчимтэй хөгжиж буй интернэтд суурилсан маркетинг, ПР-ийн үйлчилгээг дэлхийд өрсөлдөхүйц түвшинд үзүүлэхээр ажиллаж байна. Дэвшилтэт медиад суурилсан маркетинг нь дэлхийн топ байгууллагуудын сонголт, шинэ хандлага болон хөгжиж байгаа бөгөөд манай баг дэвшилтэт медиа маркетинг үйлчилгээг цогц байдлаар Монголд анх удаа үзүүлж буй мэргэжлийн агентлаг юм.

Одоогоор бид үндэсний томоохон корпорациудын төсөл дээр ажиллаж байгаагаас гадна монгол залуусын оюун санаагаар бүтсэн шинэ шийдэл бүхий интернэтэд суурилсан бүтээгдэхүүнийг олон улсын зах зээл дээр гаргах, Монгол хүний өрсөлдөх чадварыг нэмэгдүүлж, мэдээлэл технологийн хөгжилд бодитой хувь нэмэр оруулах "Монголын Цахиурт хөндий" төслийг санаачлан хэрэгжүүлэх ажилдаа ороод байна.